د ملي دفاع وزارت په بلخ كې تېرې ورځې رامنځته شوې شخړې د پاى ته رسېدو خبر وركوي. د ملي دفاع سرپرست وزير اسدالله خالد د كورنيو چارو له سرپرست وزير مسعود اندرابي سره نن مازديګر په مزار شريف ښار كې يوې ګډې خبري غونډې ته وويل، په ادارو كې بدلون او تبديلي يو اصل دى. د نوموړي په خبره، د بلخ د نوي امنيه قوماندان عبدالرقيب مبارز د معرفۍ په برخه كې سمه همغږي نه وه شوې. ده زياته كړه، د بلخ له پخواني والي عطاء محمد نور سره د دغه ولايت د يوه مشر په توګه مشوره شوې او هغه له نوي امنيه قوماندان سره هېڅ ستونزه نه لري. تېره ورځ په مزار شريف ښار كې د بلخ د پخواني والي عطاء محمد نور پلويانو د دې ولايت د نوي امنيه قوماندان عبدالرقيب مبارز د معرفۍ د مخنيوي لپاره له امنيتي سرتېرو سره وسله واله نښته وكړه. د راپورونو له مخې، په ياده نښته كې يو پوليس وژل شوى او د ۱۰ امنيتي سرتېرو په ګډون ۱۸ تنه نور ټپيان شوي دي.
اسدالله خالد: بلخ کې رامنځته شوی کړکېچ پای ته ورسېد
Get real time update about this post categories directly on your device, subscribe now.
- Trending
- Comments
- Latest
