د جاپان لومړۍ وزیرې تاکاچي سانای په دې وروستيو کې ويلي، چې د تايوان مسئلې په اړه يې د هېواد اساسي دريځ د ۱۹۷۲م کال د چين او جاپان له ګډې اعلاميې سره سمون لري او کوم بدلون پکې نه دی راغلی.
د تاکاچي سانای دريځ څه دی او کوم جزيات يې ورکړي؟ په حقیقت کې هغې د خپل دريځ په اړه دقیق مالومات نه دي ورکړي.
د چين د بهرنيو چارو وزارت ویاند لين جيان د ډسمبر په ۴مې نېټې يوې مطبوعاتي غونډې ته ويلي، چې هېواد يې د تاکاچي سانای سړې خبرې نه مني او باید په څرګندو ټکو وضاحت ورکړي.
په حقيقت کې، د » قاهرې اعلاميه»« پوتسدام اعلاميه« او »د جاپان تسلیمۍ اعلاميه« په شمول يو لړ نړیوالو سندونو کې دا منل شوې، چې تایوان د چین یوه نه جلا کېدونکې برخه ده.
د ۱۹۷۲م کال د چين او جاپان په ګډې اعلاميې کې ليکل شوي: » جاپان دا مني، چې د چين ولسي جمهوريت حکومت د دغه هېواد يوازينی قانوني حکومت دی«؛ »د چين ولسي جمهوريت حکومت يوځل بيا څرګندوي، چې تايوان د چين ولسي جمهوريت د خاورې نه بېلېدونکې برخه ده. د جاپان حکومت د چين د حکومت ياد دريځ پوره پوهاوی لري او ورته درناوی لري او د پوتسدام اعلان د اتمې مادې پر دريځ ټينګار لري«.
د چين او جاپان د ګډې اعلاميې له خپرېدو وروسته، ټوکيو له بېجينګ سره په یو لړ نورو تړونونو او اعلامیو کې ياد دريځ بیا بیا څرګند کړی دی.
خو په دې وروستيو کې د جاپان لومړۍ وزيرې تاکاچي سانای ويلي، له ستونزو سره د تايوان مخامخ کېدل ښايي د جاپان لپاره د ژوند او مرګ بحران جوړ کړي. هغې د رمز او اشارې په ژبه ويلي، چې جاپان به په زور د تايوان مسئله کې ښکېل ښي.
دا د جاپان دايمي دريځ دی؟
سي جي ټي اېن په مجازي یا انټرنيټي نړۍ کې یوه سروې خپره کړې ده.
د سروې ۹۱ اعشاریه ۴ سلنه ګډونوالو د جاپان د لومړۍ وزیرې خبرې غندلي او ويلي دي، چې د تايوان په اړه د جاپان ګفتار له کردار سره برابر نه دی. جاپان بايد له چین او نړيوالې ټولنې سره کړو ژمنو ته د عمل جامه واچوي.
تاکاچي سانای ويلي، د تایوان مسئلې په اړه د جاپان دريځ دايمي دی او کوم بدلون پکې نه دی راغلی. خو حقیقت یې څه دی؟
د سروې ۹۱ اعشاریه ۶ سلنه ګډونوالو له جاپانه غوښتي، چې نړيوالې ټولنې ته خپل دريځ څرګند کړي.
جاپان له دوهمې نړیوالې جګړې وروسته پر پاسيف دفاعي ستراتيژۍ ټینګار کړی دی. خو تاکاچي سانای څه موده مخکې ویلي، که د تايوان په وضعيت کې ستر بدلون راشي، نو ښايي د جاپان موجودیت ته خطرونه جوړ او په بحران کې راګير شي. هغې د رمز او اشارې په ژبه ويلي، چې جاپان به د تايوان مسئلې په حل کې له زور نه استفاده وکړي. د تاکاچي سانای يادې خبرې له پاسيف دفاعي ستراتيژۍ سره سمون نه لري.
د سروې د ۸۳ اعشاريه ۴ سلنه ګډونوالو په اند، د جاپان کړنې ضد او نقيض دي او نړيوالې ټولنې ته فریب او دوکه ورکوي.
د سروې ۹۰ اعشاريه ۷ سلنه ګډونوالو بیا ويلي، چې کوم هېواد د ملګرو ملتونو له منشور سرغړونه او په نړيوالو اړیکو کې له زوره استفاده نه شي کولی او نه هم د نورو هېوادونو ملي حاکميت او خپلواکۍ ته زیان رسولی شي، خو د جاپان يادې څرګندونې د ملګرو ملتونو له منشور سره په ټکر کې دي.
جاپان ويلي، هغه جنګ نه غواړي، خو په دې وروستيو کلونو کې يې خپلې امنيت ساتونکې پاليسۍ او دفاعي بوديجې ته لوی بدلون ورکړی دی.
د سروې ۹۱ اعشاريه ۷ سلنه ګډونوالو د جاپان د يو لړ اقداماتو په اړه مايوسي او خپګان څرګند کړی او ويلي يې دي، چې دغه هېواد د نړيوالې ټولنې صبر له پامه غورځولی دی.
د سروې ۸۷ اعشاريه ۷ سلنه ګډونوالو بیا ويلي، چې جاپان د تایوان په شاوخوا ټاپوګانو کې د وسلو ځای پر ځای کولو پلان لري او دا يې لمسون کوونکې کړنه بللې ده.
د سروې ۸۷ اعشاريه ۱ سلنه ګډونوالو د جاپان کړنو سخته غندنه کړې او ويلي یې دي، چې دغه هېواد په قصدي توګه سمه ييز کړکېچونه راپاراوي او پوځي مخالفتونه زیاتوي. دوی له نړيوالې ټولنې غوښتي، د جاپان په اړه هوښياره او بیداره واوسي.
سي جي ټي اېن دغه سروې په انګليسي، هسپانوي، فرانسوي، عربي او روسي چينلونو خپره کړې او په ۲۴ ساعتو کې ۱۰۲۴۳ کسانو ورته رايې ورکړي او خپل نظرونه یې څرګند کړي دي.
