د ميان جو نيان هوا په نوم د نوي کال انځورونه د چين د سه چوان ولايت د ده يانګ ښار د نيان هوا کلي ځانګړتيا بلل کېږي او د پنځولو طريقه يې د چين د دولت په کچه د غيرمادي کولتوري ميراثونو په لېست کې شامله شوې ده.
(عکسونه: په نيان هوا کلي کې د ودانيو پر دېوالونو د نوي کال ښکلي انځورونه پنځول شوي.)
د ميان جو نيان هوا په نوم د نوي کال د انځورونو د پنځولو د طريقې تاريخ د چين بې سونګ زمانې ته رسېږي، چې تراوسه پرې شاوخوا زر کلونه اوښتي دي. دغه ډول انځورونه په زړه پورې او رنګارنګ نقشې لري، مشهور تاريخي شخصيتونه، د ملکي افسانې او دوديزې ډرامې او کيسې پکې يادېږي او د انسانانو، حيوانانو، نباتاتو، ګلونو او مېوو په شمول ډول ډول انځورونه يې د خوشحالۍ او نيکمرغۍ په بڼو پنځول شوي دي او د نوي کال د نيکمرغۍ هيلې ترې ښکاري. دغه طريقه په ۲۰۰۶م کال کې د چين د دولت په کچه د غيرمادي کولتوري ميراثونو په لومړي لېست کې شامله شوې ده. دغې چارې د همدې کلي د کولتوري او سيلانيزو چارو د پرمختګ لپاره ښه زمينه برابره کړې ده.
(عکسونه: کليوال د ميان جو نيان هوا په کارخونې کې د انځورنو په پنځولو بوخت دي.)
له تېرو څو کلونو راهيسې، د کولتوري او سيلانيزو چارو له پرمختګ سره سم، په دغه کلي کې د سيلانۍ اساسي تاسيسات بشپړ شوي او سيلانيانو ته ښه خدمتونه وړاندې کوي او زيات سيلانيان همدلته د سيل لپاره راځي.
( عکسونه: بهرني سيلانيان او خبريالان د ميان جو نيان هوا له کارخونې څخه د ليدنې په حال کې دي.)
