د چين د اقتصادي چارو مرکزي غونډه د دسمبر له لسمې نېټې څخه تر يوولسمې نېټې پورې په بېجينګ کې تر سره شوه. د امريکا او چين ترمنځ د همکارۍ صندوق اجرائيوي رئیس جون ميله واټ په دې اړه د سي اېم جي له خبريال سره د مرکې په ترڅ کې ويلي چې د نړيوال اقتصاد د بې ثباتۍ عواملو د زياتېدو په حال کې چين لا ثابته اقتصادي تګلاره غوره کړې چې دا د ځاني اقتصادي پرمختګ او د نړيوال اقتصاد د اغېزناکو اړتياوو د رامنځته کولو لپاره ګټوره چاره ده. دغه راز په چین کې د کيونيو شرکت عمومي مديرې شن ګيوفت ارپاپورن سامابهاندهو رسنیو ته ويلي چې په دې غونډه کې هغه کارونه ترتيب شوي او پر نوښت او ورخلاصون د ټينګار کولو په شمول د ۲۰۲۶م کال مهمې دندې ټاکل شوې چې دا هم د پاملرنې وړ ګرځېدلي دي. دا ښيي چې بهرني پانګوال به له لازياتو پرمختيايي فرصتونو سره مخ شي او موږ باور لرو چې د چين د اقتصادي پرمختګ سره سم هم ځاني پرمختګ ومومو.
ولې دغه اقتصادي غونډه د نړيوالو پام راجلب کړی دی؟ د چين د پرمختګ له پلوه راتلونکی کال به د ۱۵م پنځه کلن پلان د پيل کال وي او دغه غونډه د څوارلسم پنځه کلن پلان د پای ته رسېدو او د پنځلسم پنځه کلن پلان د ژر پيل په مهمه شېبه کې تر سره شوه چې دا ډېر اهميت لري. د نړيوال اقتصادي وضعيت له پلوه اوس سوداګرۍ ساتونکې کړنې د زياتېدو په حال کې دي او جيوپوليتيکې کشالې هم کله نا کله رامنځته شوې دي، نو د دې حالت پر وړاندې ګردې نړۍ اقتصادي پرمختيايي انجين ته اړتيا لري. له اوږدې مودې راهيسې چين د نړيوال اقتصادي پرمختګ لپاره د يوه ثابت ماشين په څېر رول لوبولی دی. په تېره بیا روان کال د ډېرو اقتصادي پرمختيايي فشارونو پر وړاندې د چين عمومي اقتصادي اندازه ښايي شاوخوا ۱۴۰ ټريليون ته ورسېږي او هم يې انعطاف پذيرې ښکاري. په وروستيو کې د پيسو نړيوال صندوق او نړيوال بانک په شمول څو ارګانونو په جلا جلا توګه د چين د اقتصادي پرمختيا وړاندوينه لوړه کړې او دې ته تمه لري چې د چين د راتلونکي کال له اقتصادي پلان څخه باور او فرصتونه تر لاسه کړي.
نو چين په راتلونکي کال کې څنګه اقتصادي اقدامات غوره کړي؟ د تېر کال د همدې غونډې په پرتله په سږنۍ غونډه کې ډېره نوې محتوا ياده شوې ده. د بېلګې په توګه د تېر کال په غونډه کې هغه اصطلاح چې په اوسنيو بهرنيو بدلونونو سره سره منفي اغېزې يې ژورې شوې دي، پر داسې اصطلاح بدل شوی چې د بهرني چاپېريال په بدلونونو سره اغېزې ډېرې شوې دي. شنونکي وايي چې له دې څخه ښکاري چې چين له بهرنيو فشارونو سره د مقابلې وړتيا لري او باور لري چې نړيوال فشارونه کنترول کړي.
د خبر له مخې په سږنۍ غونډه کې د نوي اقتصادي حالت پر وړاندې پنځه اړين اقدامات ټاکل شوي او هم غوښتنه شوې چې اړوندې څانګې دې په راتلونکي اقتصادي اقداماتو کې په ثابت ډول د پرمختګ پر موندلو او د اقتصادي کيفيت پر لوړوالي ټينګار ولري او په دوامداره توګه لا فعاله مالي تګلاره او د پيسو لا مناسبه پاليسي غوره کړي. د دې ترڅنګ غونډه کې پر اتو برخو د ټينګار کولو لپاره مهمې دندې هم ټاکل شوې او د خپلې څرګندې موخې ښکارندويي کوي. د چين د نړيوالې اقتصادي تبادلې د مرکز څېړونکي جانګ مو نان ويلي چې دغې غونډې نړيوالو په تېره بيا نړيوالو پانګوالو ته مثبته نښه ورکړې ده.
په اتو برخو کې له مهمو دندو څخه هغه دندې لومړی مقام نيولی چې کورنۍ اړتياوې دې د عمده برخې په توګه وټاکل شي او غټ کورني بازار دې اباد شي. د چین لوی بازار نړۍ ته ستر فرصتونه برابرولی شي. چین په نړۍ کې دويم لوی مصرفي بازار او د پرچون لومړی انټرنېټي بازار او دويم لوی وارداتي بازار ګڼل کېږي. اوس د چينايانو مصرفي انډول د پرمختلليو هېوادونو د خلکو په پرتله لاهم وروسته پاتې دی، نو خدماتي مصرف کې لاهم ډېر پرمختيایي امکانات شته. په دې غونډې کې يو لړ ترتيب شوي کارونه نه يوازې د اوسېدونکو د عايداتو د زياتوالي په شمول د کورنيو اړتياوو پر ډېرېدو بلکې د کورنيو اړتياوو د پټو قوتونو پر راپارولو تمرکز کوي چې همدا به نړيوالو ته بازاري فرصتونه برابر کړي.
۲۰۲۵م کال د چين لپاره يو اسان کال نه و، خو اقتصاد يې لاهم پرمختګ موندلی او عمده موخې به يې تر سره شي. نو په ۲۰۲۶م کال کې به چين خامخا روښانه اقتصادي راتلونکی ولري.
