خالد ځدراڼ: د کابل په پرونۍ چاودنه کې ۷ کسان وژل شوي

د کابل امنیه قومندانۍ ویاند، خالد ځدراڼ پر خپله اېکس پاڼه په کابل کې د پرونۍ چادونې په تړاو لیکلي، چې پرون شاوخوا درې بجې د کابل ښار د شهرنو په ګلفروشي کوڅه کې د چينايي مسلمانانو او افغانانو ګډ رستورانت Chinese Noodle کې چاودنه شوې ده. نوموړي ویلي، چې رستورانت د يو چينايي مسلمان عبدالمجید او د ده د ميرمنې او يو تن افغان عبدالجبار محمود له لوري په ګډه چلول کيده، عبدالمجید د چين د شينګ يانګ ايالت اوسېدونکی مسلمان وو. هغه زیاته کړې، چې دلته به د چينايي مسلمانانو لپاره خواړه تياريدل او پلورل کيدل. د نوموړي د مالوماتو له مخې په ننۍ چاودنه کې یو تن چينايي تبع ایوب چې مسلمان و او ۶ تنه افغانان وژل شوي او څو تنه نور ټپيان شوي دي، چاودنه له آشپزخانې سره نږدې شوې ده، د چاودنې نوعیت لا معلوم نه ده، تحقيقات روان دي.