چين په وروستيو کې د ۲۰۲۵م کال د اقتصادي او ټولنيز پرمختګ په اړه يو لړ مهمې شمېرې خپرې کړې چې له مخې يې د وړم کال په پرتله د کورني توليد عمومي ارزښت پرمختيايي انډول په سلو کې پنځه زياتوالی ښودلی او د اوسېدونکو د هر تن په سر منځنی عايد په سلو کې پنځه زيات شوی او د لویو صنايعو د زياتوالي ارزښت د وړم کال په پرتله په سلو کې پنځه اعشاريه نهه زياتوالی موندلی دی. دغو ښو شمېرو د چين د پنځلسم پنځه کلن پلان د پيل لپاره کلک بنسټ ايښودلی او هم د دی ښکارندويي کوي چې د چين اقتصاد لاهم د نړيوال اقتصادي پرمختګ کليدي انجن دی. له دغو شمېرو څخه هم د چيني شکله عصري کېدو د پرمختګ کليدي لارې چارې او څرګنده ځانګړتيا ښکاري.
په سلو کې شپږ: د ښارونو او علاقه داريو برابر پرمختګ
تېر کال د چين په ښارونو او علاقه داريو کې د اوسېدونکو عايدات په ثابت ډول زيات شوي او برابر پرمختګ يې موندلی دی. په ښارونو او علاقه داريو کې د اوسېدونکو د هر تن په سر عايدات ۵۶۵۰۲ يوانو ته رسېدلی او په سلو کې څلور اعشاريه دوه زياتوالی يې ښودلی دی. په ورته وخت کې په کليوالو سيمو کې د اوسېدونکو د هر تن په سر عايدات ۲۴۴۵۶ يوانو ته رسېدلی او په سلو کې شپږ زياتوالی يې ښودلی دی.
په کليوالو سيمو کې د اوسېدونکو د عايداتو پرمختيايي انډول د ښارونو او علاقه داريو کې د اوسېدونکو په پرتله لوړ دی چې دا د چين له خوا د کليوالو سيمو د بیا سمسورتيا د ستراتيژۍ د پلي کولو نتیجه ده. په وروستیو کلونو کې د چین حکومت د بزګرانو په ګټه د تګلارو د غوره کولو، په کليوالو سيمو کې د صنایعو د غوره والي، د بنسټیزو تاسيساتو او د عامه خدمتونو د مساواتو په برخو کې په پر له پسې توګه له کليوالو سيمو سره مرستې کړې دي. په ښارونو او کليوالو سيمو کې د پرمختیایي اڼدول د توپیرونو تر شا په دغو سيمو کې د پرمختيا د نا برابرۍ د لرې کولو او په عادلانه توګه ښاري او کليوالو اوسېدونکو ته د پرمختيایي لاسته راوړنو د ګټو د ورکولو لپاره د چين ټينګه اراده ده. چین هم د دغو لاسته راوړنو له لارې نړيوالو ته د چيني شکله عصري کېدو د پرمختيایي لارې عملي ماهيت او سموالی ښودلی دی.
۴۹۴ میليونه: د زرغون پرمختګ په رڼا کې صنعتي پرمختګ هم کړی دی
د چين حکومت له ۲۰۲۴ م کال څخه د زړو مصرفي توکو پر ځای د نويو مصرفي توکو د اخيستلو لپاره تګلاره غوره کړې چې له امله يې ۴۹۴ میليونه وګړي ترې برخمن شوي او د پلور اړوند ارزښت ۳ اعشاریه ۹۲ ټريليون يوانو ته رسېدلی دی. د دغې تګلارې په پلي کولو سره نه يوازې خلکو ترې ګټې اخيستې بلکې مصرفي ځوارکونه يې هم راپارولي دي. دغه راز زرغون، ټيټ کاربن لرونکي او ځيرک توليدات په چټکۍ سره مروج شوي او د خلکو د ژوند د کيفيت د ښه والي ترڅنګ دا هم د اقتصاد د زرغون پرمختګ تحريک خوځښت راوړي چې له امله يې د دواملرونکي پرمختګ لپاره يوه نوې لار هم پیدا شوې ده.
په سلو کې ۹۸: د بنسټیزې حکومتولۍ د خلکو د ژوند خونديتوب تضمين کړی دی.
تېر کال په سلو کې ۹۸ اعشاريه ۲۳ خلکو په هېواد کې امن احساس کړی چې دغه شمېر له شپږو کلونو راهيسې په سلو کې ۹۸ ساتلی دی. خونديتوب د چين د پاملرنې وړ وړتیا ګرځېدلې ده .
خو د دغې شمېرې تر شا موږ کتلی شو چې د چين په ټولنه کې د عامه امنيت د کنترولولو او ساتلو سيستم ورځ تر بلې ښه شوی، بنسټیزه حکومتولي لا اغېزناکه شوې او دا هم د هغې مفکورې د پلي کولو ښکارندويي کوي چې عامه امنیت د خلکو تر ټولو بنسټيزه برخه ده. د چين له خوا نيول شويو اقداماتو د خلکو د ښه ژوند لپاره خوندي شبکه جوړه کړې چې خلک ترې امن احساسولی شي.
دا هم د چيني شکله عصري کېدو د پرمختګ کليدي لاره ښکاري: چین د اقتصادي پرمختګ د موندلو ترڅنګ پرمختیايي کيفيت ته په درنه سترګه ګوري او نه یوازې په اوسني وخت کې يې خلکو ته ګټې رسولې دي بلکې راتلونکی تر غور لاندې نيسي. چين د واقعي عملياتو په تر سره کولو سره د خپلو خلکو نېکمرغه ژوند او خونديتوب تضمين کړی او کوي يي.
