د چين د دولتي شورا مطبوعاتي دفتر د جنورۍ په ۲۶مې نېټې يوه خبري ناسته ترسره کړې ده.
د چین د سوداګرۍ وازرت مسؤلينو يادې ناستې ته ويلي، چې تېر کال یې د کمربند او لارې په اوږدو کې له پرتو هېوادونو سره د سوداګريزو همکاريو، دوه اړخيزو پانګونو او د پروژو د ابادۍ په برخو کې ګډې هڅې کړي او ښې لاسته راوړنې لري.
د مالوماتو له مخې، تېر کال د چين او د کمربند او لارې په اوږدو کې د پرتو هېوادونو ترمنځ د مالونو سوداګريز ارزښت ۲۳،۶ ټريليون يوانو ته رسېدلی و، چې دغه شمېر یې د وړم کال د همدې مودې په پرتله په سلو کې شپږ اعشاريه درې زياتوالی ښيي.
په ورته وخت کې، د کمربند او لارې پر غاړه د پرتو هېوادونو په غير پولي چارو کې د چین مستقيمې پانګونې ۲۸۳ ميلیارډه ۳۶۰ مليونه يوانه ښودل شوي، چې دغه شمېر يې د وړم کال د ورته مودې په پرتله په سلو کې اتلس زياتوالی موندلی دی. دغه راز په همدې کال کې يې دوه اړخيزې همکاريزې ساحې هم پراخې شوي او له یادو هېوادونو سره یې د تولیدي او برابروونکي ځنځير د همکاريو، ډيجټلي اقتصاد او کانونو په برخو کې ۱۸ همکاريز سندونه لاسلیک کړي دي.
تېر کال په دغو هېوادونو کې د چينايي شرکتونو له خوا د ترسره شويو پروژو ارزښت ۱،۱ ټريليون يوانو ته رسېدلی، چې دغه شمېر د وړم کال د ورته مودې په پرتله په سلو کې نهه اعشاريه شپږ زياتوالی ښيي.
په تېر يو کال کې د چین او اروپا ترمنځ څه باندې شل زرو اورګاډيو تګ راتګ کړی او د نمونوي پروژو او د خلکو د ژوند په تړاو د کوچنيو پروژو په شمول د ډول ډول مرستندويه پروژو شمېر يې څه باندې اوه سوو ته رسیدلی دی.
