اریانا افغان شرکت دوه نورې الوتکې پیري

اریانا افغان هوايي شرکت ویلي، چې دوه نورې نوې الوتکې پېري. د یاد شرکت د خبرپاڼې له مخې، د یوې اېربس ۳۳۰ او یوې بوېینګ ۷۳۷ الوتکې د پېرلو په تړاو له اماراتي (مارس) او ترکي (جي‌اې تالېسېس) شرکتونو سره انلاین ناستې ترسره شوې او د الوتکو پر تخنیکي او تجارتي شرایطو بحث شوی دی. مسوولین وایي، د نويو الوتکو پېرل به د شرکت عملیاتي ظرفیت لوړ کړي او د الوتنو د منظمېدو او خدماتو د کیفیت د ښه کېدو لامل به شي. همداراز تمه کېږي چې د دغو الوتکو په اضافه کېدو سره به مسافرو ته خوندي او معیاري خدمات لا پراخ شي.