تېر کال د ۱۸ میلیونه ډالرو په ارزښت غالۍ بهر ته صادرې شوي

د صنعت او سوداګرۍ وزارت وايي، تېر ۲۰۲۵ کال کې یې ګاونډیو او  د سیمې هېوادونو ته د څه باندې ۱۸ میلیونو ډالرو په ارزښت وطني غالۍ او ټغر صادر کړي دي. یاد وزارت زیاتوي په دې برخه کې پرتې ستونزې هوارې کړي. ورته مهال د افغانستان د غالیو ټولنې رییس عبدالله رحمان قل وايي، اوسمهال یې د غالیو د صادراتو لپاره بېلابېلې بدیلې لارې موندلي، چې د تېر کال په پرتله یې کچه زیاته شوې ده.  نوموړی زیاتوي، په افغانستان کې د ټغر او غالیو صنعت وده کړې او دولت یې پرتې ستونزې تر ډېره حل کړي. د نوموړي په خبره هڅه کوي، د غالیو ټولې چارې په هېواد کې دننه ترسره کړي، چې خلکو ته به پکې کاري زمینې برابرې شي. د افغانستان غالیو ټولنه وايي، اوسمهال د هېواد په کچه ۱.۲ میلیونه خلک د غالیو د تولید په برخه کې په کار بوخت دي او له ګاونډيو هېوادونو څخه د مسلکي کسانو په راتګ سره دغه صنعت لا وده وکړي.