هېواد کې د دست فروشانو لپاره نوې لارښوونې اعلان شوې

عدلیې وزارت د ا.ا د مشرتابه نوی فرمان خپور کړی، چې پکې دې د ست فروشانو د تنظیم لپاره مهمې لارښوونې شوې دي. د فرمان له مخې، ښاروالۍ مکلفې دي چې د د ست فروشانو لپاره ځانګړي ځایونه وټاکي او د هغوی فعالیتونه منظم کړي. همدارنګه، ټاکل شوې چې د هر ۱۰۰ د ست فروشانو لپاره به یو استازی وټاکل شي او ثبت شویو لاس پلورونکو ته به وړیا پېژندپاڼې ورکول کېږي. په فرمان کې راغلي چې د لاس پلورونکو د فعالیت ساحې به د GPS له لارې ثبتېږي. بلخوا، لاس پلورونکي هم مکلف شوي چې یوازې په ټاکل شویو ځایونو کې فعالیت وکړي، له ممنوعه او تاریخ تېر شوو توکو څخه ډډه وکړي او خپل ځایونه بل چاته په کرایه یا پلور ورنه کړي. د فرمان له مخې، که څوک له یادو اصولو سرغړونه وکړي، لومړی به ورته خبرداری ورکول کېږي او د تکرار په صورت کې به له ټاکل شوې ساحې څخه ایستل کېږي. چارواکو ویلي، د دغه فرمان موخه په ښارونو کې د نظم ټینګښت، د ګڼه‌ګوڼې مخنیوی او د ښاري خدمتونو ښه مدیریت دی.