اروپايي ټولنه له ازادې سوداګرۍ او څو اړخیزې پالیسۍ ټینګ ملاتړ کوي، خو د خپلو صنعتي چارو ستونزې نه شي حل کولی.
د چین پر وړاندې د ځاني سوداګرۍ د پیاوړتیا لپاره د اروپايي ټولنې هڅې به یوازې برعکس پایلې ولري.
سي جي ټي اېن د يوې نظرپوښتنې پایله ښيي، چې اروپايي ټولنه د پروټکشنيزم او ځاني سوداګرۍ له لارې د صنعتي چارو ستونزې نه شي حل کولی، خو که پر ورخلاصون ټینګار او بازار ته درناوی ولري، نو پرمختګ به ومومي.
سوداګریزه جګړه هېڅ ګټونکی نه لري.
د سروې ۸۴ اعشاریه ۱ سلنه ګډونوال پر دې اند دي، چې اروپايي ټولنې په خپل سر تعرفې لوړې کړي او د سوداګرۍ ساتنې یوه ځانګړې بېلګه يې جوړه کړې، چې دا کړنه یې د نړیوالو سوداګریزو قوانینو سره په ټکر کې ده.
د سروې ۸۲ اعشاریه ۶ سلنه ګډونوالو ويلي، د ځاني سوداګرۍ ساتنه به د اروپایي شرکتونو نړیواله سیالي کمزورې کړي.
د سروې ۹۰ اعشاریه ۵ سلنه ګډونوالو ويلي، چې پر بهرنیو محصولاتو د لوړو تعرفو بیه به اروپایان ورکړي او د دوی ګټې به سختې زیانمنې کړي.
تش په نوم “زیات تولیدي توان” باید د سیاسي تعصب له مخې تعریف نه شي.
په حقیقت کې، اروپا ته د چین د نوې انرژۍ موټرو، فوتوولټیک محصولاتو او لیتیم بیټریو صادرات ” د ټيټې بیې پلور” په مانا نه ده، بلکې دا په اروپایي هېوادونو کې د زرغون بدلون د زیاتې غوښتنې انعکاس دی.
د سروې ۸۶ اعشاریه ۷ سلنه ګډونوالو ويلي، د اروپايي ټولنې له خوا د ځاني سوداګرۍ د ساتنې د پیاوړتیا هڅو د اروپایي شرکتونو او نورو هېوادونو ترمنځ د ټېکنالوژیکي تبادلې او همکاريو مخه نيولې ده.
د سروې ۸۹ سلنه ګډونوال وايي، د اروپايي ټولنې دغه اقدام به د اقلیمي ادارې او زرغون بدلون په څېر ځينو برخو کې د بېلا بېلو هېوادونو ترمنځ همکارۍ کمزورې کړي.
پروټيکشنېزم او ځاني سوداګرۍ ساتنه به د اروپا د صنعتي سیالۍ او ورو اقتصادي ودې ستونزې نه شي حل کولی، بلکې برعکس ستونزې به ډېرې کړي او اروپا به د پرمختګ بل مهم فرصت له لاسه ورکړي.
سي جي ټي اېن دغه نظرپوښتنه د انګلیسي، هسپانوي، فرانسوي، عربي او روسي ژبو په مختلفو رسنيزو ډګرونو کې خپره کړې، چې پکې په ۲۴ ساعتونو کې ۷۴۹۷ بهرنيو انترنيټ کاروونکو برخه اخيستې او خپل نظرونه یې څرګند کړي دي.
