د چين د کمونېست ګوند د مرکزي کمېټې د سياسي بيورو غړي او بهرنيو چارو وزير وانګ يي د جون په دويمې نېټې په پلازمېنې بېجينګ کې له خپلې برېتانوي سيالې يويټ کوپر سره د دواړو هېوادونو ۱۱م ستراتېژيک ډيالوګ ترسره کړی دی.
وانګ يي دغه ډيالوګ ته په وينا کې ويلي، چې چين او برېتانيا دې د ملګرو ملتونو د امنيت شورا د دايمي هېوادونو په توګه د سمې لارې د تعقیبولو، د عدالت او د دويمې نړيوالې جګړې د لاسته راوړنو د ساتلو، د رښتيني څواړخيزم د عملي کولو په رأس کې قرار ولري او د نړۍ د حکومتولۍ د لاعادلانه او لامعقول سیسټم د جوړولو لپاره دې ګډ کار وکړي.
کوپر ويلي، برېتانيا به له چین سره لوړپوړی تګ راتګ نږدې او سیسټمي خبرې به ورسره زیاتې کړي او د اقتصاد او سوداګرۍ، انرژۍ او مصنوعي ځیرکتيا په شمول ډېرو برخو کې به ورسره همکارۍ ژورې کړي.
نوموړې ويلي، هېواد يې له چين سره د اړيکو له ټينګېدو راهیسې د تايوان په مسئله کې خپل موقف نه دی بدل کړی او نه به یې هم بدل کړي.
کوپر هيله ښودلې، چې له چيني لوري سره د صميمي خبرو له لارې اختلافات په رغنده توګه حل کړي او خپلمنځي اړيکو ته سالم او ثابت پرمختګ ورکړي.
