د ملګرو ملتونو پراختیايي پروګرام ویلي، یوه ګډ پلاوي بامیان ولایت ته د سفر پر مهال د معیشت، روغتیايي خدمتونو، خوراکي خوندیتوب او د فرهنګي میراثونو د ساتنې اړوند پروژې ارزولي دي. د یاد سازمان په وینا، دغه سفر د سیمهییزو پرمختیايي نوښتونو او د خلکو د ژوند د ښه والي لپاره د پلي کېدونکو پروګرامونو د ارزونې په موخه ترسره شوی و. (یواېنډيپي) بامیان د افغانستان د بیارغونې، ځانبسیاینې او ټولشموله پرمختګ یوه مهمه بېلګه بللې او ویلي یې دي چې د ټولنو ملاتړ د خلکو د ژوند په ښه والي کې مهم رول لري. دغه سازمان زیاته کړې چې په بامیانو کې روانې هڅې د دوامدار پرمختګ او اقتصادي فرصتونو د پراختیا لپاره اغېزمنې پایلې لري.
یو اېن ډي پي: بامیان د بیارغونې او ځان بسیاینې مهمه بېلګه ده
Get real time update about this post categories directly on your device, subscribe now.
- Trending
- Comments
- Latest
