د چین د دولت مرستيال رئيس هان جنګ د جون په ۶مه نېټه د روسيې په مينسک کې د چين او بېلاروس د صنعت او پانګونې د همکارۍ فورم د پرانيستې په مراسمو کې ګډون او وينا وکړه.
هان جنګ وویل، رئيس شي جين پينګ څرګنده کړې چې چين او بېلاروس رښتينې دوستي او ښه همکاري لري. په وروستيو کلونو کې، د رئيس شي جين پينګ او ولسمشر لوکاشېنکو د ستراتيژيک لارښود لاندې، د دواړو هېوادونو اړيکو په لوړه کچه پرمختګ کړی، د اقتصاد، سوداګرۍ او پانګونې په برخو کې همکارۍ ډېرې لاسته راوړنې لري، چې ځواکمن خوځښت ښيي.
په ۲۰۲۵م کال کې د چين او بېلاروس دوه اړخيز سوداګريز حجم د ډيپلوماتيکو اړيکو د ټينګېدو د لومړي کال په پرتله نږدې ۱۵۰ برابره و. د چين او بېلاروس صنعتي پارک، چې د دواړو هېوادونو د مشرانو له خوا ورته ډېره پاملرنه شوې، تر اوسه ۱۷۸ تصدۍ راجلب کړې دي. په دې سره سيمهييز اقتصاد او ټولنيز پرمختګ پياوړی شوی او د دواړو هېوادونو خلکو ته يې ګټې رسولې دي.
هان جنګ د چين او بېلاروس د همکارۍ په اړه درې نظرونه وړاندې کړل:
۱- د پرمختګ ستراتيژيکي همغږۍ پياوړي کول.
۲- د سوداګرۍ د ودې ډېر فرصتونه پیدا کول.
۳- د صنعت او پانګونې همکارۍ پراخول.
