د کوريا د ډيموکراتيک ولسي جمهوريت د کارګرو ګوند عمومي منشي او د دولتي شورا رئيس کيم جونګ اون د جون د ۸مې نېټې په ماښام د چين د کمونېست ګوند د مرکزي کمېټې د عمومي منشي او دولت رئيس شي جين پينګ او د ده د مېرمنې پنګ لي يوان لپاره د هرکلي مېلمستيا تر سره کړه.
شي جين پينګ او کيم جونګ اون په مېلمستيا کې په جلا جلا توګه ويناوې وکړې.
شي جين پينګ په وينا کې وويل، چې روان کال د چين او ډيموکراتيکې کوريا ترمنځ د دوستانه همکاريو او متقابلو مرستو تړون د لاسليک له ۶۵مې کليزې سره برابر دی او د دواړو هېوادونو د اړيکو نوې تاريخي مبدا ده. دواړو خواوو په دې اړه مهم توافق کړی، چې دواړه هېوادونه بايد د سوسياليزم د راتلونکي برخليک له لحاظه د زمانې عمده تمايل وګوري، د دواړو هېوادونو د خلکو د ګډو هيلو سره سم دې د لوړې کچې تګ راتګ پياوړی کړي، ستراتيژيکې تبادلې دې ژورې کړي، همکارۍ دې پراخې کړي، د دواړو هېوادونو د خلکو ترمنځ اړيکې او دوستي دې لاټينګه کړي، دوه اړخيزو اړيکو ته دې د لوړې کچې پرمختګ ورکړي، د دواړو هېوادونو د سوسياليستي چارو د ښې راتلونکې او د انساني ټولنې د پرمختګ لپاره دې ګډې هڅې وکړي.
کيم جونګ اون په وينا کې د ډيموکراتيکې کوريا د ګوند، حکومت او خلکو په استازيتوب شي جين پينګ ته صميمي هرکلی څرګند کړ.
