د تايوان تنګي ۱۸م فورم د جون په ۱۳مې نېټې د چين په شيا من ښار کې ترسره شو.
په دغه فورم کې د چين د کمونېست ګوند د مرکزي کمېټې د سياسي بيورو دايمي غړي او د ولسي سیاسي مشورتي کنفرانس رئيس وانګ هو نينګ هم ګډون او وينا کړې ده.
نوموړي ويلي، د چين دولت رئيس شي جین پینګ د سږ کال په اپرېل کې د کوومینتانګ ګوند له مشرې جنګ لي ون سره په لیدنې کې د تايوان تنګي د دواړو غاړو د اړیکو د سوله یېز پرمختګ او د ملي یووالي د هڅولو لاره روښانه کړې ده.
وانګ هو نينګ ويلي، د چين خاوره او ملت به نه ويشل کېږي، هېواد به د ګډوډۍ حالت ته نه ځي.
نوموړي زیاته کړې، د چين حکومت د چیني ملت عمومي ګټو او اوږدمهاله پرمختګ ته په کتو، د تايوان تنګي د دواړو غاړو د اړیکو عمومي وضعیت درک کړی، د سوله يېز پرمختګ لاره تعقیبوي او د ملي یووالي د هڅولو لپاره نه ستومانه کېدونکې هڅې کوي.
د کوومینتانګ ګوند مرستیال مشر جانګ ژونګ ګونګ ياد فورم ته په وينا کې ويلي، د تایوان تنګي د دواړو غاړو وګړي چینایان دي او یوه کورنۍ او د نوک او ورۍ اړيکې لري.
هغه له تایوان او د چين سترې برخې څخه غوښتي، چې د تنګي د دواړو غاړو ترمنځ تبادلې او همکارۍ نورې هم ژورې او د خلکو هوساینه لوړه کړي، د تایوان تنګي سوله دې وساتي او د چیني ملت د لویې بیا سمسورتيا لپاره دې هڅې وکړي.
