د جون ۱۵مه نېټه د شانګهای همکارۍ سازمان د جوړېدو له ۲۵مې کليزې سره برابر ده.
د چين د بهرنيو چارو وزارت وياند لين جيان يوې خبري ناستې ته ويلي، چې شانګهای همکارۍ سازمان ۲۵ کاله مخکې جوړ شوی او اوس د نړۍ تر ټولو لوی او زيات نفوس لرونکی سيمه ييز همکاريز سازمان ګرځيدلی دی.
نوموړي ويلي، په تېرو ۲۵ کلونو کې د شانګهای همکارۍ سازمان غړو هېوادونو پر شانګهای روحيه ټينګار کړی، يووالی او همکارۍ يې ساتلي، د سياسي، امنيتي، اقتصادي او کلتوري په برخو کې يې همکارۍ ژورې کړي، د سيمه ييز امنيت دېوال، د همکارۍ پل او د دوستۍ کمربند يې جوړ او پياوړی کړی دی، د سيمه ييزو همکاریو نوې لاره يې پيدا کړې او د نړيوالو اړيکو لپاره يې يو نوی ماډل جوړ کړی دی.
لين جيان ويلي، چين به په نوې زمانې کې له ټولو غړو هېوادونو سره يو ځای د شانګهای روحيه وپالي، خپلمنځي عملي همکارۍ به پياوړې کړي او د شانګهای همکارۍ سازمان د غړو هېوادونو د ګډ پرمختګ او سمسورتيا لپاره به هڅې وکړي.
