د چين د کمونېست ګوند د مرکزي کمېټې د سياسي بيورو غړي او بهرنيو چارو وزير وانګ يي د جون په ۱۵مه نېټه له خپل نيپالي سيال شيشير خانال سره لیدلي او د دواړو هېوادونو پر اړيکو يې ورسره خبرې کړې دي.
وانګ يي ويلي، د چين دولت رئيس شي جين پينګ په ۲۰۱۹م کال کې له نيپال څخه ليدنه وکړه او د دواړو هېوادونو د راتلونکي پرمختګ او سمسورتيا لپاره یې د نسل په نسل دوستۍ د ستراتيژيکو همکاريو دوستانه اړيکې جوړې کړې او هم یې د دواړو هېوادونو د خپلمنځي اړيکو د ګډو هلو ځلو لوری روښانه کړ.
نوموړي ويلي، چين به له نيپال سره يو ځای د کمربند او لارې باکيفيته ګډه ابادي پرمخ بوځي او د بريښنايي شبکې، سړکونو، بندرونو او الوتنې په چارو کې به ورسره همکارۍ وکړي.
شيشير خانالو ويلي، نيپال د يو چين پېژندنې پر تګلارې ټينګار لري او هيڅ ځواک ته به اجازه ور نه کړي، چې د نيپال خاوره د چين په خلاف وکاروي او ګټو ته يې زیان ورسوي.
نوموړي ويلي، نیپال به د چين تصديو ته عادلانه، قانوني او دوستانه سوداګريز چاپېريال برابر کړي.
