د چين مرستيال دولت رئيس هان جنګ د جون په ۱۶مې نېټې د دې هېواد د شان دونګ ولايت په چينګ داو ښار کې د نړيوالو شرکتونو د اومې سرمشريزې په پرانيستونکو مراسمو کې ګډون او وينا کړې ده.
نوموړي ويلي، د چين دولت رئيس شي جین پينګ په هېواد کې د نړيوالو شرکتونو پرمختګ ته په درنه سترګه ګوري او څو څو ځلې يې د چين د اصلاحاتو، ورخلاصون او عصريتوب په بهير کې د بهرنيو شرکتونو مهم رول ستایلی دی.
هان جنګ ويلي، چين په دوامدار ډول باکيفيته پرمختګ پياوړی کړی او د لوړې سويې ورخلاصون يې پراخ کړی دی او دغو کړنو يې د نړیوال اقتصاد د زياتوالي لپاره ثابته محرکه قوه برابره کړې او هم يې د نړيوالو شرکتونو د پرمختګ لپاره ډېر فرصتونه برابر کړي دي.
هغه زياته کړې، چين په کوردننه د نړيوالو شرکتونو له پانګونې او پرمختګ څخه کلک ملاتړ کوي او د همکاريو او ګډو ګټو پر بنسټ به يو ښه راتلونکی جوړ کړي.
په يادو مراسمو کې د حکومتي ادارو، نړیوالو سازمانونو، نړیوالو شرکتونو او سوداګريزو ټولنو څه باندې ۷۰۰ استازو ګډون کړی و.
