د ملګرو ملتونو امنیت شورا د جون په ۱۵مې نېټې په متفقه توګه د چين لخوا چمتو شوی ۲۸۲۲م پرېکړه لیک تصویب کړ، چې له مخې يې په افغانستان کې د ملګرو ملتونو د مرستندویه پلاوي (یوناما) د ماموریت موده د ۲۰۲۷م کال د جون تر ۱۷مې نېټې پورې تمديد شوه.
په ملګرو ملتونو کې د چین دایمي استازي فو څونګ په یوې توضیحي اعلامیې کې ويلي، چې يوناما دې افغانستان ته د ډېرو نړيوالو مرستو د جلبولو لپاره هڅې وکړي او د دغه هېواد د انکشافي توان د لوړتيا لپاره دې دوامدار کوښښونه وکړي.
فو څونګ هيله ښودلې، چې د افغانستان حکومت به د خپلو خلکو او نړیوالې ټولنې معقولو غوښتنو ته غوږ ونیسي او د بشري حقونو او په ځانګړې توګه د ښځو د حقونو لپاره پرېکنده اقدامات وکړي.
نوموړي د ترهګرۍ پر وړاندې د مبارزې مهم اهمیت بیا تایید کړی او هيله يې څرګنده کړې، چې افغانستان د ترهګريزو قوتونو د له منځه وړلو او د ګډ خونديتوب لپاره له سيمه ييزو هېوادونو سره همکارۍ پياوړې کړي.
