د چين د خارجه وزارت وياند لين جيان د جون په ۱۸مه نېټه په يوې نوبتي خبري ناستې کې اعلان کړی، چې د برېکس هېوادونو د ملي امنيتي چارو د لوړ پوړو استازيو ۱۶مه غونډه به د جون له ۲۲مې نه تر ۲۳مې نېټې پورې د هند په نوي ډيلي کې ترسره شي او د چين خارجه وزير وانګ يي به پکې ګډون وکړي.
هغه ويلي، چيني لوری به د دغې غونډې په موده کې د برېکس له هېوادونو سره د نړيوالو امنيتي حالاتو، مهمو نړيوالو او سيمه ييزو مسئلو او د دوديزو او غير دوديزو امنيتي ننګونو پر وړاندې د مقابلې په اړه د نظريو تبادلې وکړي او د روان کال په سپتمبر کې د برېکس هېوادونو د سرمشريزې لپاره به سياسي تياريانې ونيسي.
د ده په خبره، چين تمه لري چې د دغه فرصت په نيولو سره له اړوندو هېوادونو سره خپلمنځي همغږۍ او د برېکس هېوادونو دننه د سياسي او امنيتي چارو همکارۍ زياتې کړي او د نړيوالې سولې او امنيت په پار مثبت خدمتونه وکړي.
