د ميانمار ولسمشر ين اونګ هلاینګ په دې وروستيو کې له چين څخه رسمي ليدنه کړې او د ليدنې په څنډه کې يې له سي جين ټي ان سره یوه مرکه هم کړې ده.
ين اونګ هلاینګ په ډېرو برخو کې چين د ميانمار لپاره د زده کړې وړ هېواد بللی دی. نوموړي په مرکه کې ويلي، چې دواړه هېوادونه بايد په همکاريو کې د بنسټيزو تاسيساتو ابادۍ ته زیات متمرکز شي. سربېره پر دې، چين د انجنيري ټېکنالوژۍ، الکترونيک، ساينس او ټېکنالوژۍ، هوايي او فضايي تخنيکونو، د تخمونو د اصلاح او صنعتي توليد په برخو کې غوره والی لري او په يادو برخو کې د دواړو هېوادونو ترمنځ د همکاريو فضا لويه ده. ين اونګ هلاينګ د ميانمار او چين ترمنځ د همکاريزې نقشې د پراختيا او د دوه اړخيزې سوداګرۍ او پانګونې د پياوړتيا هيله ښودلې ده.
ين اونګ هلاینګ ويلي، چې د کمربند او لارې د نوښت اصلي موخه د نړۍ د سمسورتيا او پرمختګ هڅونه ده او هېواد يې د کمربند او لارې له ګډو ابادوونکو څخه يو دی. د ميانمار او چين اقتصادي دهليز، چې د ياد همکاريز چوکاټ پروژه ده، د ميانمار د پرمختګ لپاره ګټور دی او د دغه هېواد او نړۍ ترمنځ د وصل لپاره مهم ارزښت لري.
