عکس: شي جين پينګ او پلار يې، شي جونګ شيون
د شي جين پينګ پلار شي جونګ شيون پر هغه ژور اغېز درلود.
دواړه بزګران وو. دواړه ډیر ځلې کليوالو سيمو ته ولاړل او هلته يې پلټنې او څېړنې تر سره کړې. دواړو تل خلک په خپلو زړونو کې ساتلي او ” د خلکو لپاره خدمت کولو” ته د خپل ژوند د عقیدې او قسم په سترګه ګوري.
راځئ چې د شي جين پينګ او د ده د پلار شي جونګ شيون عکسونه وګورو او ورڅخه د چين د کمونېست ګوند د دوو نسلونو د غړو اصلي تعقيب احساس کړو.
د کيڼ اړخ عکس: د ۱۹۸۰م کال په پسرلي کې شي جونګ شيون په ګوانګ جو ښار کې د رضا کارۍ په حال کې دی.
د ښي اړخ عکس: د ۲۰۱۹م کال د اګست په ۲۱مه نېټه، شي جين پينګ د ګان سو ولايت د بابوشا په ځنګلي فارم کې د صحرا د ادارې په فعاليت د ګډون په حال کې دی.
شي جين پينګ وويل، چې ” زما پلار بزګر و او بيا يې په انقلاب کې ګډون کړی و. ما هم اووه کاله د بزګر په توګه کار کړی. “
له خلکو په تېره بيا بزګرانو سره مرسته کول د شي جين پينګ په زړه کې ځانګړی ځای نيسي.
شي جين پينګ: ” له هرې سيمې څخه لیدنه کوم او کليوالو سیمو ته ځم. “
له ۲۰۱۲م کال راهیسې، کله چې د چين د کمونېست ګوند ۱۸م ملي کانګرېس ترسره شو، شي جين پينګ له ۱۴ خورا بېوزلو سيمو څخه ليدنه کړې. د شي جين پينګ د پاملرنې او لارښوونې په رڼا کې د دغو سيمو خلک له بېوزلۍ څخه وتلي او ښه ژوند يې خپل کړی دی. شي جين پينګ د خپلو ژمنو پر عملي کولو ټينګار کړی.
د کيڼ اړخ عکس: د ۱۹۸۰م کال په سپتمبر کې، شي جونګ شيون د ګوانګ دونګ ولايت له جان جيانګ ښار څخه د ليدنې په ترڅ کې له ځايي وګړو سره د خبرو په حال کې دی.
د ښي اړخ عکس: د ۲۰۱۳م کال د جولای په ۲۱مه نېټه، شي جين پينګ د هوبۍ ولايت په وو هان ښار کې په باران کې د يانګ لوه له بندر څخه د ليدنې په حال کې دی.
شي جونګ شيون خپل زوی شي جين پينګ ته ويلي وو: ” هرڅومره چې لوړ چارواکي شئ، هېڅکله مه هیروئ چې په زحمتکښۍ د خلکو لپاره خدمتونه وکړئ او په رښتينې توګه خلک په زړه کې وساتئ. “
شي جين پينګ د ځايي سيمو د ماموريت په وخت کې د سروې ګانو او پلټنو له لارې د بنسټيزو ټولنو ګڼ شمېر معلومات راټول کړل او د دې سيمو د اصلاحاتو او ورخلاصون د مسير او پلان د جوړولو لپاره يې ګټور معلومات تر لاسه کړي دي. د ده دغه چلند، چې له خلکو سره نږدې اړيکې ساتي، تر اوسه دوام درلودلی.
د کيڼ اړخ عکس: د ۱۹۹۹م کال د اکتوبر په لومړۍ نېټه، شي جونګ شيون په تيان ان من ميدان کې د چين د کمونېست ګوند د مرکزي کمېټې مشرانو ته وايي: ” هېڅکله مه هيروه، چې خلک د هېواد دي او هېواد د خلکو دی. “
د ښي اړخ عکس: د ۲۰۲۱م کال د جولای په لومړۍ نېټه، شي جين پينګ د چين د کمونېست ګوند د جوړېدو د ۱۰۰مې کليزې په لمانځغونډه کې وايي: ” هېواد د خلکو دی او خلک د هېواد دی. “
” هېواد د خلکو دی او خلک د هېواد دي. ” شي جونګ شيون او شي جين پينګ د چين د کمونېست ګوند د دوو نسلونو غړي او د زمانې له مشخصو شرايطو سره مخ دي، خو دواړه خلکو پروړاندې صداقت لري.
شي جين پينګ په ۲۰۱۲م کال کې د چين د کمېست ګوند د مرکزي کمېټې د عمومي منشي په توګه ټاکل شوی او په لومړۍ رسمي وينا کې يې ژمنه کړې، چې ښه ژوند ته د خلکو هیلې زموږ د هڅو موخې دي.
له تېرو لسګونو کلونو راهيسې د خلکو د ژوند په تړاو د اصلاحاتو څه باندې ۲۰۰۰ پلانونه عملي شوي او د دې څرګندويي کوي، چې د خلکو نيکمرغه ژوند د هېواد ډېر مهم کاري لومړیتوب دی.
د خلکو له مشر څخه د خلکو تر خدمتګار پورې، شي جونګ شيون او شي جين پينګ په خپلو زمانو کې د خلکو لپاره د خدمتونو بېلګې جوړې کړې او د دغه ګوند د ټولو غړو لپاره يې دا مثال جوړ کړی، چې څرنګه خلکو ته لومړيتوب ورکولی شي.
