د چين صدراعظم لي چيانګ د جون د ۲۳مې نېټې په سهار په دا ليان ښار کې د ګيني له صدراعظم امادو اوري باخ سره لیدلي دي.
امادو اوري باخ د داوس په ۱۷م دوبني فورم کې د ګډون لپاره د چين په دا ليان کې ته تللی دی.
لي چيانګ له نوموړي سره په خبرو کې ويلي، ګيني د افريقا د صحرا په جنوب کې لومړی هېواد دی، چې له چين سره يې ډيپلوماتيکې اړيکې ټينګې کړي او په خبره يې، د دواړو هېوادونو ترمنځ ډېر واټن موجود دی، خو اړيکې او دوستي یې نږدې او اوږمهالې دي.
نوموړي ويلي، چين او ګيني په تېرو لسيزو کې د ملي حاکميت او خپلواکۍ د ساتنې د مبارزې او هم د اقتصادي او ټولنيز پرمختګ پر لارې تل يو د بل مرسته او ملاتړ کړی او ګټورې همکارۍ يې کړې دي او په خبره یې، چين او ګيني د دواړو هېوادونو د مشرانو تر ستراتيژيکې لارښوونې لاندې خپلمنځي اړيکې ژورې او پياوړې کړې دي.
سږ کال د چين او ګيني ترمنځ د هراړخيزو ستراتيژيکو همکاريو اړيکو د جوړېدو ۱۰مه کليزه ده.
لي چيانګ زیاته کړې، چين به له ګيني سره خپلمنځي دوستي ژوره او په بېلا بېلو برخو کې به ورسره همکارۍ پياوړی کړي او د دواړو هېوادونو خلکو ته به ډېرې ګټې ورسوي.
