د چين دولت رئيس شي جين پينګ د جون په ۲۹مې نېټې په پلازمېنې بېجينګ کې د بلاروس له ولسمشر الکسندر ګريجوريېويچ لوکاشنکو سره ليدلي دي.
شي جين پينګ چين او بلاروس يو د بل د اعتماد وړ ملګري، د ګډ پرمختګ او سمسورتيا د موندنې همکاران او د هر فصل هراړخيز ستراتيژيک همکاران بللي دي.
نوموړي ويلي، چين او بلاروس دې ستراتيژيکي تبادلې وساتي، دوه اړخيزو اړيکو ته دې پرمختګ ورکړي او د دوو هېوادونو خلکو ته دې ګټې ورسوي او په خبره يې، هېواد يې له بلاروس څخه ملاتړ کوي، چې خپل ملي حاکميت، خپلواکي او د خاورو بشپړتيا وساتي او د پرمختګ لپاره به ورسره تر وسې پورې مرسته وکړي.
لوکاشنکو د دواړو هېوادونو د اړیکو په اړه د شي جين پينګ ارزونه ستایلې او د نوموړي څلور نړيوال نوښتونه یې د تودو مسئلو د سياسي حل او د نړیوالې سولې، ثبات او سمسورتيا لپاره مهم بللي دي.
نوموړي ويلي، بلاروس به له چين سره د نړيوالو او سيمه ييزو چارو په اړه نږدې همغږي وساتي او د نړیوالې او سمه ييزې سولې، پرمختګ او ثبات لپاره به ورسره ګډې هڅې وکړي.
