«چيو شه» مجلې د جولای په لومړۍ نېټې د چين د کمونېست ګوند د مرکزي کمېټې عمومي منشي، دولت رئيس او د مرکزي پوځي کمېسيون مشر شي جين پينګ يوه مهمه ليکنه « د ولسواليو د ګوندي کمېسيونونو منشيان دې جياو يوو لو د خپلو زده کړو سرمشق وګرځوي» خپره کړې ده.
په دې ليکنې کې د ۲۰۱۵م کال د جنورۍ په ۱۲مې نېټې د چين د کمونېست ګوند د مرکزي کمېټې په پوهنځي کې د ولسواليو د ګوندي کمېسيونونو د منشيانو روزنيز ټولګي ته د عمومي منشي شي جين پينګ وينا لیکل شوې ده.
په دغې ليکنې کې په اشارې ويل شوي، چې د ولسوالۍ په کچه ګوندي کمېسيونونه او حکومتي ادارې د چين د کمونېست ګوند په ارګانونو او د واک په چوکاټ کې د لوړو او ټيتو کچو سازمانونو د پیوست رول لري او د اقتصادي پرمختګ، د خلکو د ژوند د تضمين، ثبات او د دولت د دايمي امنيت او سوکالۍ د پیاوړتيا لپاره بنسټ برابروي.
په ولسواليو کې د چين د کمونېست ګوند کمېسيونونه د واکمن ګوند د حکومتوالۍ په چوکاټ کې د قومندې او کنټرول بنسټيز مرکزونه دي، چې منشيان يې د قوماندانو رول لوبوي.
ښاغلي جياو يوو لو د ولسواليو د ګوندي کمېسيونونو د منشیانو لپاره ښه نمونه جوړه کړې ده.
په دغې ليکنې کې ويل شوي، د ولسواليو د ګوندي کمېسيونونو منشيان بايد په زړونو کې خلکو ته مهم ځای ورکړي، باید له خلکو سره تينګې اړيکې وساتي او د دوی د ګټو لپاره باید کار وکړي.
