په ملګرو ملتونو کې د بشري حقونو شورا د ۶۲مې غونډې د تخنيکي مرستو سيمينار د جولای په ۲مه نېټه د سویس په جنیوا کې ترسره شو.
په جنیوا کې او د ملګرو ملتونو د دفتر او په سویس کې د نورو نړيوالو سازمانونو لپاره د چين دايمي استازي جيا ګوېده د ۶۵ هېوادونو په استازیتوب وینا کړې ده.
هغه له ټولو خواوو غوښتي، چې د مصنوعي ځيرکتيا له وړتياوو څخه په استفادې ټولو وګړو ته بې له خنډ او ځنډه د لاسرسي وړ چاپېریال برابر کړي او په دې اړه يې ۴ فقره ييز وړانديز هم کړی دی:
۱- ټول هېوادونه دې د مصنوعي ځيرکتيا له لارې بې له خنډ او ځنډه د لاسرسي د پراختيا په مرسته د لوړ کيفيت پرمختګ ته نوې انرژي ورکړي.
۲- مصنوعي ځيرکتيا دې د انسانانو په ګټه وکارول شي، څو له زيانمنو سره مرسته وشي.
۳- ټول هېوادونه دې عدالت او مساوات تضمين کړي، څو د بېلا بېلو ګروپونو او بېلا بېلو هېوادونو خلک له بې خنډه چاپېريال څخه مساوي برخمن شي.
۴- بېلابېل هېوادونه دې د پراخو ګټو او ټولشموليت ملاتړ وکړي او د ډيجيټل پرمختګ نابرابري کمه کړي.
جيا ګوېده ياد سیمينار ته د روسيې، اندونيزيا، پاکستان، کيوبا، وېنزويلا، تايلنډ، کمبوډيا او ډېرو نورو هېوادونو په استازیتوب وینا کړې او ګڼو پرمختيايي هېوادونو یې ملاتړ کړی دی.
