په اروپا کې اوس له ۱۵۰ میلیونو څخه ډېر خلک د هوا د تودوخې له سختې څپې او بې سارې اندیښنې سره مخ دي. په دې سیمه کې د يخولو وسايلو بازار ډېر ګرم شوی. شمېرې ښيي، چې د روان کال په لومړيو پنځو مياشتو کې فرانسې، هالنډ، بلژيک او یو شمېر نورو لوېديځې اروپا هېوادونو ته د چين د ايرکنډيشنونو صادرات د تېر کال د همدې مودې په پرتله ۶ چنده زيات شوي او په تېر جون کې اروپا ته د چين د ایرکنډيشنونو صادرات د تېر کال د همدې مودې په پرتله ٪ ۷۲.۸ زیاتوالی ښيي.
۲۰ یا ۳۰ کاله دمخه، چیني مصرف کوونکو جاپاني برقي وسایلو په درلودلو ویاړ کاوه. هغه مهال جاپاني شرکتونو د دقیق تولید په شمول اصلي ټېکنالوژي درلوده.
خو د چیني شرکتونو پرمختګ ګړندی او ثابت دی. په ۲۰۲۵ کال کې اروپايي ټولنې او بریټانیا ته د چین د ایر کنډیشنونو د صادراتو اندازه ۱ ملیارډ او ۳۹۰ میلیونو ډالرو ته رسېدلې چې د ۲۰۲۴ کال په پرتله ۲۰ سلنه زیاتوالی ښيي. اوس په اروپا کې د پلورل شويو ایر کنډیشنونه له ۸۰ سلنې څخه تر ۹۰ سلنې پورې له چین څخه راځي.
چیني شرکتونو د خپل لوی تولیدي توان او نړیوالې لوژیستیکي شبکې په کارولو سره په ډېر لنډ وخت کې اروپا ته خپل تولیدات لېږلي او د باثباته عرضه او مناسبو بیو سره، په چټکۍ سره يې د دوی د بازار تشه ډکه کړه.
په وروستیو کلونو کې، د چین د برقي وسایلو جوړونکو د انرژۍ موثریت لوړ معیارونه پلي کړي او ډېری صادراتي محصولات د اروپايي ټولنې ترټولو د لوړ موثریت درجه پوره کوي، خو بیې يې له نورو دودیزو برانډونو څخه ډېرې ټیټې دي. د مصرف کوونکو له نظره، اروپایان چې چیني ایر کنډیشنونه اخلي، نه یوازې سړه هوا اخلي، بلکې د کیفیت او ارزښت دوه تضمینونه هم تر لاسه کوي.
د چین د برقي توکو ستر پرمختګ اروپايي کورنیو ته ګټه رسولې چې په ارزانه بیه د سخت اقلیم له ګواښونو سره مقاومت وکړي کوم چې د نړیوالې اقلیمي ادارې لپاره یوه ونډه ده.
د اروپا د تودوخې څپې په وړاندې د چیني ایر کنډیشنونو له ډېرو خرڅولو څخه څرګندېږي چې د چین د برقي کورنیو توکو چارې اوس د نړیوال صنعتي منظرې بیا شکل ورکولو ځواک لري. کله چې نړۍ له ګډو ننګونو سره مخ کېږي، د چین له خوا جوړ شوي تولیدات ورځ تر بلې ډېر اړین کېږي.
برسيره پردې، اوسمهال په نړۍ کې د يواړخيزم او پروټېکشنيزم يا د سوداګرۍ حمایت غوښتنې څپې پرله پسې پورته کيږي او اروپا د روان کال له پیل راهیسې پر چين باندې پرله پسې اقتصادي او سوداګريز بنديزونه لګولي، نو په داسې حال کې اروپا کې د چين د ايرکنډیشنونو ګرم بازار هغه حقیقت ثابت کړی، چې د چين او اروپا ترمنځ اقتصادي او سوداګريزې همکارۍ ګټې-ګټې خاصيت لري او چين د اروپايي ټولنې د ستونزو سرچينه نه، بلکې د ستونزو د حل لپاره همکار دی.
