یوه ورځ وروسته له هغه چې امریکا د ایران سپاه پاسداران ځواک د ترهګرو ډلو په لیست کې شامل کړ د ایران د پارلمان غړي د سپاه په پوځي ینفورم کې پارلمان ته لاړل او مرګ پر امریکا شعارونه یې ورکړل. د پارلمان رییس علي لاریجاني مجلس ته په وینا کې، امریکا د نړیوال اقتصادي او نظامي تروریزم بیلګه وبلله. هغه وویل امریکا په دې ډول کارونو سره د ایران پر وړاندې خپله ماتې جبرانوي. لاریجاني د امریکا ولسمشر ډونالډ ټرمپ ته په خطاب کې وویل، ټرمپه ایرانیان پوهېږي چې ولې دومره بې قراره یې او ولې د ایران پر وړاندې ورته چلند کوې، ځکه چې فکر دې کول له اټومي تړونه په وتلو سره به ایران تر فشارونو لاندې راولې خو بریالی نه شوې. نوموړي زیاته کړه، ایران دومره کمزوری نه دی چې په ورته کارونو به د امریکا پښو ته ولوېږي. لاریجاني دا څرګندونې په داسې حال کې کوي چې ټرمپ پرون د ایران سپاه پاسداران ځواک د ترهګرو ډلو په لیست کې شامل کړ.
ایران: امریکا د نړیوال تروریزم یوه نمونه ده
Get real time update about this post categories directly on your device, subscribe now.
- Trending
- Comments
- Latest
