د امریکا ولسمشر ډونالډ ټرمپ د سپتمبر په ۱۸مه نېټه د ټولنيزې مېډيا له لارې پوسټ وکړ چې امریکا د ډنمارک او د دغه هېواد د خپلواکې سیمې ګرینلنډ سره یوې هوکړې ته رسیدلې، چې امریکا به د ګرینلنډ د امنیت او نورو ټولو اړوندو چارو دایمي کنټرول واک ترلاسه کړي او ډنمارک ته به په دې باندې هېڅ لګښت ورنه کړي.
ټرمپ وویل چې یاده هوکړه د وخت محدوديت نه لري، چې امریکا به په دايمي توګه په ګرینلنډ ټاپو کې د اړینو فعاليتونو او د دغه ټاپو او خپل ځاني خونديتون د تضمین بشپړ حقونه ولري. د امريکا هېڅ دښمن ځواکونه نشي کولی چې د امریکا له اجازې پرته په ګرینلنډ کې پوځي اډې جوړې کړي، پوځي شتون وساتي او یا کومه حساسه پانګونه وکړي.
د ډنمارک حکومت په همدې ورځ د يوې اعلاميې په خپرولو سره وويل، اټکل کېږي چې ګرینلنډ، ډنمارک او امریکا به په راتلونکې اونۍ کې په ارکټیک او شمالي اتلانتیک سیمو کې د امنیت پیاوړتیا لپاره یو تړون لاسلیک کړي. درېیواړه خواوې به ښايي د راتلونکې اونۍ د ملګرو ملتونو د عمومي اسامبلې په جریان کې دا تړون لاسلیک کړي.
