د قطر د بهرنیو چارو وزارت ویاند ماجد الانصاري د سپتمبر په ۲۰مه نېټه وویل، قطر له امریکا او ایران سره تماس ساتي چې د واشنګټن او تهران ترمنځ د مذاکراتو بیا پيل وهڅوي. هغه د څو امریکايي مامورینو له قوله ویلي چې امریکا غواړي له ایران سره هوکړې ته ورسېږي او په دې اتکا جګړه هم پای ته ورسوي.
نوموړي په نیویارک کې د قطر د اقتصادي فورم په ترڅ کې ویلي، قطر په تېرو اوونیو کې له امریکا او ایران سره د نظریو تبادلې کړې او د دواړو خواوو د توپیرونو د کمولو لپاره یې هڅې کړې دي. خو هغه د مذاکراتو د بیا پیل مهالویش نه دی مشخص کړی.
نوموړي ویلي، د امریکا حکومت څو تنو مامورینو دا تاييده کړې چې امریکا غواړي له ایران سره موافقه وکړي او هیله لري چې د جګړې د پای ته رسېدو لپاره لاره پيدا کړي.
