د لویو نړیوالو رسنیو ۷مه سرمشریزه د نومبر په ۷مه نېټه په بېجینګ کې د خلکو په لوی تالار کې پرانیستل شوه. د ۱۱۲ هېوادونو او سیمو نږدې ۳۳۰ لویو رسنیو، فکري کارپوهانو، حکومتي څانګو، د ملګرو ملتونو او نورو نړیوالو سازمانونو شاوخوا ۵۰۰ استازو په پرانیستونکو مراسمو کې ګډون وکړ. له پرانیستونکو مراسمو وروسته، د سینهوا اژانس، اسوشیټیډ پریس، رویټرز، ایجنس فرانس پریس او سي این این مشرانو د لویو نړیوالو رسنیو د همکارۍ په اړه د لوړې کچې خبرې اترې وکړې.
په بېجینګ کې د مهمو نړیوال رسنیو دمسئولینو راټولېدل په مطبوعاتي برخه کې ستر اهمیت لري. مختلفو خواوو په ښه فضا کې په وار سره خپلې ویناوې وکړې. ګډونوالو د مصنوعي ځیرکتیا د پرمختګ او له احتمالي خطرونو سره د مقابلې په اړه بحثونه وکړل.
نن ورځ نړۍ له ژورو بدلونونو سره مخ ده، د مصنوعي ځيرکتیا په استازیتوب د نوي پړاو تخنیکي انقلاب او صنعتي بدلون نوې څپه رامنځته شوې. خبري رسنۍ د زمانې د برتریو په درک کولو او د ښه راتلونکي په جوړولو کې مهم ماموریت پر غاړه اخلي.
د روانې سرمشریزې اصلي موضوع د مصنوعي ځیرکتیا د بدلون په دوره کې د رسنیو ماموریت او همکاریز عمل دی. د سینهوا اژانس مشر فو هوا د یاد ډیالوګ مشري وکړه. هغه وویل، بېلا بېلو خواوو د نړیوالو رسنیو په سرمشریزه کې د رسنیو د اصلاحاتو او پرمختګ په اړه ژور بحثونه کړي چې د بشري پرمختګ لپاره د رسنیو ګډه اندیښنه او ماموریت څرګندوي. هغه د مصنوعي ځیرکتیا ټېکنالوژۍ په چټک پرمختګ ټینګار وکړ او ويې ویل چې د رسنیو مسلکي کسان باید په ښه توګه ټېکنالوژي وکاروي او د اصلي رسنیو اعتبار وساتي.
د رویټرز مشر پاول باسکوبرټ وویل چې د غوره خبریالانو ځانګړتیاوې د ماشینونو لخوا نه بدلېدونکي دي.
په داسې حال کې چې مصنوعي ځیرکتیا د دودیزو رسنیو بڼو باندې په پراخه کچه اغیزه کړې، د رسنیو د اصلاحاتو او پرمختګ لپاره پراخه ځای هم خلاص کړی او حیاتی ځواک يې هم ورکړی دی. د ډېرو رسنیو مشرانو په خپلو ویناوو کې وویل، د مختلفو هېوادونو رسنۍ باید خپلمنځيتبادلې زیاتې کړي، همکاري دې پیاوړې کړي، او په ګډه دې له بدلونونو سره مقابله وکړي ترڅو ټېکنالوژۍ د رسنیو پرمختګ ښه کړي او خلکو ته خدمتونه وکړي.
باسکوبرټ وویل، لویې نړیوالې رسنۍ باید له بدلون سره د مقابلې لپاره لارې ومومي او په دوامداره توګه دې د لوړ کیفیت لرونکي مینځپانګې استازیتوب وشي.
د سي این این لوړ پوړي مرستیال کوسټاس ایکانوم وویل، سي این این باید د هغو مسئلو په پام کې ونیسي کوم چې ستراتیژیک اهمیت لري او په نړیواله کچه دې د همکارانو درلودل اړین دي.
د لویو نړیوالو رسنیو لومړنۍ سرمشریزه په ۲۰۰۹ کال کې تر سره شوه. دا سرمشریزه د څو مشهورو نړیوالو رسنیو لخوا پیل شوې چې د نړیوالو رسنیو د تبادلې او همکارۍ لپاره یو مهم لوړ پوړی ډګر دی، لکه څنګه چې د سینهوا اژانس مسؤل په ډیالوګ کې وویل، دا سرمشریزه ۷ ځله ترسره شوې، چې هر یو یې د زمانې او د رسنیو له اړتیاوو سره اړونده موضوع لري. دا زموږ لپاره د ګډې پاملرنې وړ مسئلې دي او همدارنګه زموږ په زمانه کې د رسنیو تر ټولو ژورې اندیښنې هم دي.
