سیګار: امریکایان حق لري د خپلو مالیاتو ،پر ځای لګېدو په اړه پوه شي

امریکايي حکومت دې په افغانستان کې د لګولو پیسو په اړه امریکايي وګړو ته د حساب ورکولو لار پرانیزي. د افغانستان پر بیا رغونه د امریکا ځانګړی څارونکی جان سوپکو وايي د افغانستان جګړه او په دغه هېواد کې د امریکايي ځواکونو حضور د امریکا لپاره په لوړه بیه تمام شوی دی او د امریکایيي وګړو میلیاردونه ډالر هلته لګول شوي دي. دده په خبره امریکایي وګړي حق لري په دې پوه شي چې ددوی ورکړې مالیه چېرته لګول شوې ده او حکومت څومره لاس ته راوړنې لري. جان سوپکو همدا راز وایي چې امریکا دې د حساب ورکولو لپاره لار پرانیزي او تر څنګ یې دې د نوو لګښتونو په اړه دقت وکړي. دده په وینا لا هم په افغانستان کې جګړه ده او لا هم ډېر کار ته اړتیا ده، نو امریکايي وګړي هم حق لري چې د خپلو مالیاتو د لګېدو په ځای ځایګي پوه شي.