د هوا پېژندنې ادارې؛ په یو شمېر ولایتونو کې د سیلابونو د راوتو خبرداری ورکړی

د افغانستان د هوا پېژندنې ادارې د هېواد په یو شمېر ولایتونو کې د نسبتاً شدیدو بارانونو خبر ورکړی دی. یادې ادارې د یوې خبرپاڼې په خپرولو سره ویلي، چې د میزان یا تلې میاشتې ۱۶ نیټه به کابل، بدخشان، تخار، کونړ، نورستان، بغلان، پنجشیر، کاپیسا، پروان، لوګر، ننګرهار، وردګ، بامیان، دایکنډي، سرپل، بلخ، کندز، سمنګان، پکتیا، خوست او غزني ولایتونه د نسبتاً شدیدو بارانونو شاهد واوسي. یادې ادارې دغه راز په یادو ولایتونو کې د سیلابونو د راوتو خبرداری هم ورکړی دی.