د بلخ پخوانی والي عطا محمد نور وایي، چې جنرال رازق په حکومت کې دننه د یوې دسیسي قرباني شوی دی. د نور د فیسبوک پاڼې له مخې د هېواد یو زړور او رښتینی جنرال په یوه ناځوانمردانه پېښه کې وژل شوی دی. د سرچینې په وینا قومندان رازق د هېواد په جنوبي حوزه کې هغه کس و، چې نیک نوم او ښه شهرت یې لرل. سرچینې وړاندې لیکلي چې جنرال رازق نه یواځې یو پیاوړی نظامي جنرال و، بلکې د هېواد په ډیرو لویو قضیو او سیاسي تعاملاتو کې یې هم مهم رول درلود. سرچینه لیکي، تر ډېرو شدیدو امنیتي تدابیرو لاندې د نوموړي وژل کېدل دا څرګندوي چې نوموړی په حکومت کې دننه د دسیسې ښکار شوی دی. عطا محمد نور د جنرال رازق وژل کېدل یوه نه ډکېدونکې تشه بللې او زیاته کړې یې ده چې د نوموړي د سنګر ملګري به د جنرال وینه بې غچه پرې نه ږدي.
عطامحمد نور: جنرال رازق د حکومت دننه په يوه دسيسه کې وژل شوی
Get real time update about this post categories directly on your device, subscribe now.
- Trending
- Comments
- Latest
