د پاکستان د پنجاب ایالت په رحیم یار خان سیمه کې یوه بله پاکستانۍ چورلکه رانسکوره شوې ده چې له امله یې د یو پیلوټ په ګډون دوه کسان وژل شوي دي. د پاکستان ډان ورځپاڼې راپور ورکړی دی چې دغه چورلکه د رحیم یار خان د شیخ زاید هوایي ډګر څخه پورته شوې وه او غوښتل یې چې د چولستان په سیمه کې پر فصلونو د ملخانو د وژلو لپاره سپرې یا دوایي وشنیدي. د رحیم یار خان چارواکو ویلي چې چورلکه د تخنیکي ستونزو له امله رانسکوره شوې او پکې یو پیلوټ او یو انجنیر وژل شوي دي. په دې وروستیو کې د پاکستاني الوتکو غورځېدو پېښې زیاتې شوې دي او شاوخوا یوه اوونۍ وړاندې د هوایي ځواکونو یوه چورلکه په میانوالي سیمه کې غورځېدلې وه چې له امله یې دوه پیلوټان وژل شوي وو.
پنجاب کې بله پاکستانۍ چورلکه رانسکوره شوې
Get real time update about this post categories directly on your device, subscribe now.
- Trending
- Comments
- Latest
