دا چې د کاري فرصتونه پېژندل یوڅه سخت دي، خو که لږ متفکرانه او په دقیق ډول خپلو شرایطو ته متوجې اوسو، کولای شو له هغه د ښه کاري فرصت د لاس ته راوړلو لپاره ښه استفاده وکړو. موږ په همدې مقاله کې دا متفکرانه چل ول درښيو.
کاري فرصتونه او د ښو کاري امتیازونو تر لاسه کول د هغه لپاره تر ښو ډېرو هڅو پرته نه شي تر لاسه کېدلی، که تاسې د دې هرڅه لپاره لېوال یاست، دویم قدم مو د هغه د تحقق لپاره عملي هڅه ده.
که غواړی چې دنده مو بدله کړی او یا هم په خپله شته دنده کې ښه پرمختګ وکړی، دا ډېره مهمه ده، څو هغه فرصتونه وپېژنئ چې ستاسې مهارتونه او شرایط ورسره همغږي دي، هغه باید تعقیب او وپېژنئ.
دا کار وخت ته اړتیا نه لري، یوازې همدا کافي ده چې خپل اوسني شرایط ښه و ارزوئ او پر خپلو وړتیاوو د برابر کار او دندې لپاره یو څه دقیق فکر وکړئ. د دغه کار لپاره باید ډېره هڅه وکړئ او د ډېرې ژر پایلې د لاسته راوړلو هیله یې ونه لری، مانا دا چې تاسې نن یو شرکت ته د دندې پيدا کولو لپاره لاړ شی او په سبا یې د ګومارلو هیله ولری، د دې کار د پایلې د لاسته راوړلو لپاره به ډېر صبر کوئ.
۱ـ په دقیق ډول فکر وکړئ
فرصتونه هر وخت ستاسې شاوخوا دي. (مانا دا چې فرصتونه هغه وخت ستاسې پر لور خپل مسیر بدلوي کله چې تاسې د هغوی د لټولو لپاره لږ تر لږه په ورځ کې یو یا دوه ساعته کار وکړی.» نو باید هر وخت مو حواس د هغه پر لور متمرکز وي. دا مو د ځان عادت کړئ چې د داسې فرصتونو په لټولو پسې حد اقل هره ورځ یو ساعت تلاش وکړئ. ښه ده چې په دې اړه له ځان سره د یاداښت یوه وړه کتابچه ولری او یا هم کولای شی په ځیرکو موبایلونو کې دا یاداښتونه له ځان سره وساتی. هغومره چې تاسې له ځان سره ډېر یاداښتونه اخلی، هماغومره ډېر او ښه ښه فرصتونه هم په لاس درځي.
۲- د فرصتونو په لټه کې اوسئ
تاسې کولای شی د هغه څه په اړه د پيدا کولو او لاس ته راوړلو لپاره هڅه وکړی، چې تر اوسه مو دا هڅه نه وه کړې او یا هم دا برخه اصلاً له تاسې پټه ساتل شوې وه. ممکن دا ستاسې د درون هغه برخې او اړخونه هم و اوسي چې په پیدا کولو سره یې تاسې ته ښه ښه کاري فرصتونه په لاس درشي، لکه نن ورځ چې د یو ښه کاري فرصت د پيدا کولو لپاره د انګلیسي ژبې او کمپيوټر زده کړه اړینه ده. که تاسې په انګلیسي ژبه او یا هم کمپيوټر کې ښه وړتیا ولری، د هغه ملګري په پرتله یا هغه خت په پرتله چې تاسې دا ژبه نه وه زده کړې، اوس د یوې دندې د پيدا کېدو ډېر فرصت لری.
ښه ده چې د یوې ښې دندې د پيدا کېدو لپاره لومړی پر ځان پانګونه وکړئ. د خپلو اوسنیو شرایطو په اړه ښه فکر وکړئ، خپل راتلونکی او هغه موقف مو تصور کړئ، چې تاسې به راتلونکی کال ورته رسېږی، اوس د همدې کار لپاره خپله پوره پوره هڅه وکړئ او ورته د رسېدو لپاره تر ټولو ښه لار دا ده چې خپلې وړتیاوې لوړې کړی او پر مهارتونو مو ښه تمرین وکړئ. د ښو کاري فرصتونو د پيدا کولو لپاره ښه ده چې له خپلو اوسنیو همکارانو سره یوه کاري شبکه جوړه کړی، څو د یو او بل په مرسته له ښو فرصتونو ژر خبر شی. که مو ملګري او دوستان په داسې سازمانونو کې کار کوي، چې دوی له خپلې دندې ډېر خوشاله دي، کولای شی له هغوی وغواړی چې تاسې له خپلو نورو همکارانو او بالخصوص له رییس او مدیر سره معرفي کړي.
۳- خپلې غوښتنې مو را کمې کړئ
کله چې له خپلو پياوړو او کمزور نقطو ښه خبر یاستی، خپلې علاقې او هغه فرصتونه پيدا کړی چې تاسې یې په لاس ته راوړلو سره خوشاله کېږی، اوس نو هغه وخت رسېدلی چې د خپلې خوښې وړ تر ټولو مهم هغه یې انتخاب کړئ. کېدای شي چې وپوښتی، ستاسې ډېر څه خوښېږي او غواړی چې ټولو ته ورسېږی، نه دا سم انتخاب نه دی؛ انسان په طبیعي لحاظ حرص پيدا شوی او غواړي چې هرڅه ولري، دا هغه غوښتنه ده چې هېڅکله هېچا هم نه ده لاس ته راوړې. ښه دا ده چې تاسې مو د غوښتنو تر منځ د لومړیتوب اصل مراعات کړئ، هغو موخو ته مو لومړیتوب ورکړئ چې ستاسې پر ورځني ژوند تر ټولو ژور اغېز لري.
که تاسې خپل وخت، انرژي او وړتیا پر ټولو تقسیم کړی، له یوه به هم ښه پایله لاس ته را نه وړی. خو یوازې پر څو هغو یې متمرکز اوسېدل کولای شي له تاسې سره د ښې پایلې په لاسته راوړلو کې مرسته وکړي.
د هغه انتخاب په اړه چې تاسې تر نورو زیات ارزښت ورکوی، دغه نقطې په نظر کې ونیسئ:
دا کار به په ورځني ډول ستاسې لپاره څه اغېزې ولري او ایا دا کار ستاسې له ارزښتونو سره همغږی دی؟
د هغه پایله او مزد به ستاسې لپاره څه وي؟
د دغه کار د کولو لپاره د کوم مهارت، وړتیا او یا هم کومې بیې پرې کولو ته اړ یاستی؟
څومره ممکنه ده چې هغه به تاسې ته خوشالي درکړي؟
څومره اسانه کولای شی له هغه استفاده وکړی؟
له هغه سره تړلي خطرونه کوم دي؟
ممکن دا ډېره واضح نه وي چې کوم فرصت به ستاسې لپاره تر ټولو ښه وي. دا وخت تر ټولو د ښې ټاکنې لار دا ده چې د خپلو ستونزو د حل لپاره مو د غوره شوو فرصتونو تر منځ هغه یو یې غوره کړی، چې په کم وخت او اسانه ډول سره کولای شي تاسې خپلې موخې ته ورسوي.
