یوشمیر سیاسي احزاب وایی، حکومت او کمیسیون د پارلماني ټاکنو ترسره کېدو لپاره پوره تیاری نه درلود. دغه احزاب وایی، د پارلماني ټاکنو په بهیر کې ګڼې ستونزې موجودې وې او د ټاکنو خپلواک کمیسیون کارمندانو له بایومټریک سیسټم سره اشنايي نه درلوده، چې له امله یې خلک ترساعتونو پورې انتظار پاتې شول او ډېرو خلکو خپلې رایې ونه کارولی شوای. احزاب وایي، که شکایتونه زیاتېږي، پارلماني ټاکنې به له بحران سره مخ شي او هیچا ته به د منلو وړ نه وي. د میزان پر ۲۸ مه، چې د پارلماني ټاکنو له ورځې سره برابره ده، له کندهار او غزني، په پاتې نورو ولایتونو کې ټاکنې ترسره شوې، خو له جنجالونو خالي نه وې. د افغانستان ملي جبهې رییس وایي، دی په دې برخه کې له کومې ستونزې سره نه دی مخ شوی، خو د دغې پروسې په تړاو خلکو ورته شکایتونه کړي. په ورته مهال د سولې عالي شورا رئیس هم له دې پروسې ناراضه دی. د حزب اسلامي افغانستان رئيس وایي، چې دغه پروسه له ستونزو ډکه وه او حکومت او کمیسیون د یادې پروسې لپاره پوره چمتووالی نه درلود. د دوی په وینا، د انتخاباتي سایټونو مامورینو د بایومتریک سېستم په شمول له انتخاباتي پروسې سره کامله اشنايي نه درلوده، چې له امله یې خلک ترساعتونو پورې انتظار پاتې شول او ډیر له رایې ورکولو بې برخې شول. د سیاسي احزابو مشران وایي، که شکایتونه زیاتېږي، نو پارلماني ټاکنې به له بحران سره مخ کېږي چې د هیچا لپاره به د منلو وړ نه وي.
