امریکا د انرژۍ په څلور هغو شرکتونو اقتصادي بندیزونه لګولي، چې د ایران د سپاه پاسداران د قدس ځواک سره د تېلو په صادراتو کې په مرسته تورن دي. دا بندیزونه چې تېره ورځ اعلان شول، له هغې درې اونۍ وروسته دي چې امریکايي ځواکونو د ایران د قدس ځواک قومندان جنرال قاسم سلیماني د بغداد هوايي ډګر ته نږدې په یوه هوايي برید کې وواژه. د امریکا د بهرنیو چارو وزیر مایک پومپیو دې نویو بندیزونو ته په اشارې ویلي، امریکا نوي اقدامات کوي چې د هغه تر ټولو زیات اقتصادي فشار د کمپاین برخه ده چې د بې ثباتۍ د فعالیتونو د تمویل لپاره د ایران د رژیم د عوایدو د ټولو سرچینو مخه نیسي. د امریکا د خزانې وزارت وايي، هغه شرکتونه چې بندیزونه پرې لګیدلي، دوه یې په هانګ کانګ، یو یې په شانګهای او بل یې هم په دوبۍ کې دی.
امریکا ایران ته په مرستو تورنو شرکتونو بندیز لګولی
Get real time update about this post categories directly on your device, subscribe now.
- Trending
- Comments
- Latest
