پلوسي: ټرمپ ته مې تر ټولو مودبانه ځواب ورکړی دی

د امریکا د سنا جرګې مشرې نانسي پلوسي د ټرمپ د وینا د متن تر څېرولو وروسته له خبریالانو سره په خبرو کې ویلي، د هغه د وینا د متن څېرول د نوموړي د خبرو او کارونو په بدل کې تر ټولو مودبانه ځواب و. د پلوسي له لوري د ټرمپ د وینا متن څېرول، په نړیوالو کچه د رسنیو د سر خبر جوړ شوی دی. فرانس ۲۴ شبکې د پلوسي له قوله لیکلي، ټرمپ یو دروغجن کس دی او تل هڅه کوي په خپلو دروغو او شعارونو خلک وغولوي. نوموړې د خپلو خبرو پر دوام ویلي، له خپل کاره پښېمانه نه ده او په خبره یې د ټرمپ د وروستیو شعاري خبرو غبرګون کې د دې دا کار تر ټولو مودبانه عمل و. سي ان ان بیا لیکلي، ټرمپ چې کله د خپلې وینا متن پلوسي ته وړاندې کاوه نو لومړی ده هغې ته سپکاوی کړی او پلوسي ته یې له لاس ورکولو ډډه کړې ده.