د چين حکومت د جون په اوومه تر «د کووېډ-۱۹ وبا پر وړاندې د چين مبارزه» سرليک لاندې سپين کتاب خپور کړ. په دغه سپين کتاب کې د مشخص مهالوېش، بشپړو شمېرنو او په زړه پورې پېښو له لارې د دې وبا پر وړاندې مبارزه کې د چينايانو هلې ځلې ريکارډ شوې، د دغې وبا د وقايې او کنټرول او د ناروغانو د درملنې په چارو کې د اغېزمنو کارونو يادونه شوې او د يووالي او همکارۍ قوې او دغه وبا ته د ماتې ورکولو باور خپور شوی دی.
په دغه ۳۷ زره کليمو لرونکي سپين کتاب کې تر ټولو خلکو ته د لومړيتوب ورکولو نظريه باندې ټينګار شوی او وړاندې شوې او په هره بيه د خلکو ژوند ژغورلو جملې څو څو ځلې يادې شوې دي. په چين کې په يوازې دريو مياشتو کې د دغې وبا پر وړاندې مبارزه کې کارنامې د چين ډېره مهمه تجربه ده. په دغه سپين کتاب کې د ۲۰۱۹ز کال د ډسمبر په ۲۷مه د نامعلومې سږي ناروغۍ د راپور ورکولو څخه د ۲۰۲۰ ز کال د چين د ملي ولسي کانګرېس او د ولسي سياسي مشورتي کنفرانس د کلنيو غونډو تر پای ته رسېدو پورې په موده کې په پنځو پړاوونو کې د وبا د وقايې او کنټرول په بهير کې کارونه ريکارډ شوي دي. په دغه سپين کتاب کې د څو کليدي وختونو د حقايقو له لارې د لومړي ځل لپاره په بشپړه او سيستماتيکه توګه د دې وبا د مخنيوي په چارو کې د چينايانو د زحمتونونو بهير ليکل شوی دی. په دې توګه نړيواله ټولنه به په دې وپوهېږي چې په چين کې د وبا پر وړاندې مبارزه کې د مهمو ستراتېژيکو لاسته راوړنو لپاره ډېرو مشکلاتو شتون درلود، چين تر ټولو هر اړخيزه او جدي تدبيرونه عملي کړي او په ټول بهير کې يې شفاف او مسوولانه کارونه ترسره کړي دي.
د یو ميليارد او ۴۰۰ میليونو نفوس لرونکي لوی هېواد په توګه چين څنګه وکولای شول چې په لنډ وخت کې د وبا د خپريدو مخه ونيسي؟ په سپين کتاب کې دې ته اشاره شوې چې اصلي لامل د چين د کمونېست ګوند ټينګه لارښوونه ده. د وبا له رامنځته کېدو راهيسې د چين دولت ریيس شي جين پېنګ تل د خلکو ژوند او روغتيا ته لومړيتوب ورکړی او ورکوي يې او په خپله يې د کارونو لارښوونه او ترتيبات ترسره کړي چې د ويروس د خپرېدو د مخنيوي لپاره يې سمدسي د هوبي ولايت او ووهان ښار د قرنطين کېدلو پرېکړه وکړه. هغه څوارلس ځلې د مرکزي حکومت د سياسي بيورو د دايمي کمېټې غونډې او يو لړ مهمو غونډو مشري کړې ده او په خپله يې له ووهان ښار څخه ليدنه وکړه.
مهم بحران د يو هېواد د واکمن ګوند د واکمنې نظريې او توان ازموينه کولی شي. له وبا وروسته چينايان په ژوره توګه پر دې پوهېدلي چې د چين د کمونېست ګوند لارښوونه د باد او باران پر وړاندې تر ټولو مهم او باوري ضمانت برابرولی شي او دا د خلکو په ژوند کې تر ټولو ډېر مهم دي. په دغه سپين کتاب کې ليکل شوي چې چين په هره بيه د هر يو ناروغ ژوند ژغورلی چې نوې زېږېدلي ماشومان او څه دپاسه د سل کلنو عمر لرونکو ټول تر ښې درملنې وروسته روغ شوي دي. د سختو ناروغانو د درملنې لپاره ډېر پرمختللي طبي ماشينونه او ډاکټران سمدستي راغونډ شوي چې د می تر ۳۱مې پورې د چين په دننه کې پر کووېډ -۱۹ د اخته کسانو د بيا رغېدو انډول ۹۴.۳ سلنې ته رسېدلی دی.
په دغه سپين کتاب کې په مشخصه توګه د وبا د وقايې او کنټرول په جدي سيستم کې د ټولو خلکو د ګډون حالت يادونه شوې چې د بحران پر وړاندې ټولو چينايانو پر خپل کمونېست ګوند او حکومت ټينګ باور درلود او پر دې ګډې نظريې اتفاق لري چې د ځان ساتنه د نورو ساتنه او د هېواد لپاره خدمت کول دي. له دې څخه د چيني ملت د يووالي او يو له بل سره د مرستې په اړه دوديز کلتور او ترې د وطنپالنې احساسات څرګندېږي. په دې مبارزه کې هر تن ستر اتل او عسکر دی.
د خلکو لپاره د خلکو په اتکا اصول په چين کې له وبا وروسته د کارونو د بيا اعاده کولو په ترڅ کې هم استفاده کېږي. په سپين کتاب په دريو برخو کې په دې اړه ليکل شوي چې د ثابتې او منظمې ټولنې ساتنه کېږي، په منظم ډول د کارونو د بيا عادي کولو هڅونه کېږي او د خلکو ژوند ګام په ګام احيا او عادي کېږي. د اپرېل تر پای پورې په چين کې د لويې پيمانې صنعتي چارو تصديو د کارونو بيا پيل انډول له ۹۹ سلنې څخه اوښتی و، د منځنيو او کوچنيو تصديو د کارونو بيا پيل انډول ۸۸.۴ رسطدلی او د مهمو پروژو د کارونو بيا پيل انډول له ۹۵سلنې څخه اوښتی و. د چين اقتصاد په چټکۍ د عادي کېدو په حال کې دی او له دې څخه څرګندېږي چې د وبا د وقايې او کنټرول په بهير کې د چين ټاکنه علمي، عملي او سمه ده.
