د امنیتي چارواکو په وینا د کابل ښار په اوومه، پنځلسمه او پنځمه امنیتي حوزو کې چاودنې شوې دي. لومړۍ چاودنه سهار ۶:۳۰ دقیقې د اوومې امنیتي حوزې اړوند چهلستون سیمه کې پر یو کورلا ډوله موټر شوې ده. د کابل د امنیه قوماندانۍ ویاند فردوس فرامرز وايي، په چاودنه کې یو کس وژل شوی او د یوه ملکي وګړي په ګډون دوه تنه نور ټپیان دي. دویمه چاودنه هم سهار ۷:۲۰ دقیقې د پنځلسمې امنیتي حوزې اړوند سیمه کې پر یو رنجر موټر شوې ده. په دې چاودنه کې بیا دوه کسه ټپیان شوي دي. د کابل د امنیه قوماندانۍ ویاند همدارنګه زیاته کړه چې نن سهار د کابل ښار په پنځمه امنیتي حوزه کې هم چاودنه شوې، خو وايي مرګ ژوبله نه لري. هېره دې نه وي چې په دې وروستیو ورځو کې په کابل ښار کې د مقناطیسي ماینونو د چاودنې پېښې ډېرې شوې دي او جدي اندېښنې یې پارولې دي.
کابل ښار کې درې چاودنو مرګ ژوبله اړولې
Get real time update about this post categories directly on your device, subscribe now.
- Trending
- Comments
- Latest
