حنیف اتمر د لوړپوړي پلاوي په مشرۍ تاجکستان ته تللی

د هيواد د بهرنیو چارو سرپرست وزیر حنیف اتمر د یوه لوړپوړي پلاوي په مشرۍ تاجکستان ته تللی دی. د بهرنیو چارو وزارت د معلوماتو له مخې اتمر به په دې سفر کې د تاجکستان له ولسمشر امام علي رحمان، ددغه هېواد له لومړي وزیر، بهرنیو چارو وزیر او د تاجکستان د ملي امنیت د کمېټې له مشر سره لیده کاته ولري. دغه دوه ورځنی سفر د تاجکستان په رسمي بلنه ترسره کېږي او دواړه لوري به په سیمه کې پر روان وضعیت، اقتصادي همکاریو، ترانزیت، مرزي مسایلو، ترانسپورت، امنیتي همکاریو او د دوه اړخیزو اړیکو پر پراختیا خبرې ولري. بهرنیو چارو وزارت وایي په دې سفر کې تر ټولو ستره موخه دا ده چې دواړه هېوادونه لا سره نږدې شي او په بېلو مواردو کې اړیکې پراخې کړي.