د ولسمشر دویم مرستیال سرور دانش نن د افغانستان د خوړو خوندېتوب اجنډا درېیمې کلیزې په مناسبت جوړې شوې غونډې ته په خبرو کې ویلي چې په هېواد کې تر ۱۳ میلیونه ډېر وګړي د خوړو خوندیتوب نه لري. نوموړي زیاته کړې چې د همدې ۱۳ میلیونه کسانو له ډلې اته میلیونه یې سخته لوږه ګواښي او هر ځل چې خواړه وخوري نه پوهېږي چې بیا به کله د خوراک لپاره یو څه پیدا کوي. په ورته وخت کې عامې روغتیا وزارت بیا ویلي چې په هېواد کې کابو ۷۰ سلنه وګړي غذایي امنیت نه لري. د یادونې ده چې تر دې وړاندې ولسمشر غني د ملي دسترخوان د پرانیستې په مراسمو کې ویلي وو چې په افغانستان کې ۹۰ سلنه خلک د فقر تر کرښې لاندې ژوند کوي.
دانش: تر ۱۳ میلیونه ډېر افغانان له لوږې سره مخ دي
Get real time update about this post categories directly on your device, subscribe now.
- Trending
- Comments
- Latest
