هرات کې اورلګېدنه؛ سوداګر وایي، د دولتي مامورینو فساد میلیونونه ډالر تاواني کړو

د هرات په اسلام کلا بندر کې اورلګېدنې سوداګرو ته په میلیونونه ډالر تاوان اړولی دی. د هرات والي ویلي چې په دغه بندر کې دوه ورځې وړاندې رامنځته شوې اورلګېدنې له امله تر ۳۵۰ پورې موټرونه سوځېدلي چې میلیونونه ډالر زیان یې اړولی دی. په ورته وخت کې یو شمېر هغو سوداګرو چې په دغه اورلګېدنه کې زیانمن شوي دي رسنیو ته ویلي چې د دولت د څو تنو فاسدو مامورینو له لاسه په میلیونونه ډالرو زیان ور اوښتی دی. یو تن سوداګر ویلي چې د یاد ګمرک مامورینو یې موټرونه په غیر قانوني توګه د یو څو روپو رشوت لپاره را ایسار کړي وو. سوداګرو د دغې ارولګېدنې مسوول او دوی ته د وراوښتي تاوان مسوول دولت بللی او پر حکومت یې غږ کړی دی چې باید د رامنځته شوې اور لګېدنې او ور اوښتي تاوان پور ورکړي.