چین افغانستان سره سړک جوړولو برخه کې همکاري کوي

چین وایي له افغانستان سره د سړک جوړولو او اقتصادي پراختیا په برخه کې مرسته کوي. په کابل کې د چین سفیر د بهرنیو چارو وزارت له سیاسي مرستیال میرویس ناب سره د لیدنې پر مهال همدا راز د سولې په برخه کې هم د بشپړې همکارۍ ډاډ ورکړی دی. چینایي لوري ویلي دوی ددې غوښتونکي دي چې په افغانستان کې روان تاوتریخوالی پای ته ورسېږي او دایمي اوربند رامنځ ته شي. سرچینې همدا راز ویلي چې چین به له افغانستان سره د سړک جوړولو د ماشین الاتو مرسته کوي او تر څنګ به یې د کرونا وبا د مخنیوي په برخه کې هم خپلو همکاریو ته ادامه ورکوي. د چین سفیر دغه راز ویلي چې له افغانستان سره مرسته شوي واکسین به د اداري کارونو تر بشپړېدو وروسته ډېر ژر کابل ته را ورسېږي.