جو بایډن: زورواکو هېوادونو امریکایي ولسواکي له خطر سره مخ کړې ده

د امریکا ولسمشر جو بایډن وایي د زورواکو هېوادونو له لوري ولسواکي له ګواښ سره مخ ده. نوموړي د جګړې د قرباني سرتېرو په یاد په جوړو شوو مراسمو کې د خبرو پر مهال ویلي چې ولسواکي د بشریت د پرمختګ او حقونو د خوندي کولو لپاره تر ټولو غوره لار ده. دده په خبره سره له دې چې د نړۍ ډېر هېوادونه ولسواکۍ ته درناوی لري خو ځینې زورواکي هېوادونه شته چې امریکایي ولسواکي یې له خطر سره مخ کړې ده. بایډن همدا راز د بیان پر ازادۍ او د بشري حقونو پر خوندیتوب ټینګار کړی دی او په خبره یې دوی په ټوله نړۍ کې د اقتصادی اصلاحاتو او سولې ملاتړي دي. دده په خبره په نړۍ کې به د ولسواکۍ د ساتنې او بشري حقونو د خوندیتوب لپاره هڅې ډېروي.