د ایران د بهرنیو چارو وزیر جواد ظریف له پخواني ولسمشر حامد کرزي سره په تهران کې کتلي دي او د سولې په اړه یې خبرې کړې دي. د ایران د بهرنیو چارو وزیر ویلي، دوی په ټول توان هڅه کوي چې د افغانستان د سولې په پروسه کې خپله همکاري وکړي او په افغانستان کې د روانې جګړې په پای ته رسولو کې مرسته وکړي. دده په وینا د سولې هر ډول خبرې باید د افغانانو په مشرۍ ترسره شي او کوم څوک د افغان سولې په برخه کې هڅه کوي نو باید افغان حکومت پکې ګډون ولري. هغه ټینګار کړی چې ایران د افغانستان د سولې ملاتړ دی او هر ډول همکارۍ ته چمتو دی. پخواني ولسمشر حامد کرزي هم د سولې په برخه کې د ایران همکاري مهمه ګڼلې ده او له دغه هېواد یې غوښتي چې د افغان جګړې په ختمولو کې رښتیني ګامونه اوچت او خپله همکاري ډېره کړي.
ایران: افغان حکومت باید د سولې په ټولو خبرو کې حاضر وي
Get real time update about this post categories directly on your device, subscribe now.
- Trending
- Comments
- Latest
