د بشري حقونو د څار اداره وايي نړیوال دې؛ په جینوا کې یوازې دوسیې نه بلکې د افغانستان حقایق هم وګوري

د جینوا په کنفرانس کې دې یوازې دوسیې نه کتل کېږي بلکې حقایق دې هم وکتل شي. د بشري حقونو د څار نړیوالې ادارې په یوه اوږده مقاله کې لیکلي دي، په نږدې ورځو کې په جینوا کې د افغانستان په اړه کنفرانس جوړېږي. په دغه کنفرانس کې به له افغانستان سره د نړیوالو مرستو او له نړیوالو سره د افغان حکومت د ژمنو په اړه بحثونه کېږي. دغه اداره وایي په دې کنفرانس کې دې یوازې هغه دوسیې نه کتل کېږي چې افغان حکومت یې د ګډونکوونکو هېوادونو د استازو پر مېزونو اېږدي، بلکې په افغانستان کې دې روان حقایق هم تر نظر تېر شي. سرچینه په افغانستان کې د بشري حقونو وضعیت د خورا اندېښنې وړ بولي او وایي زرګونه ملکي وګړو ته د ملي یووالي د حکومت پر مهال مرګ ژوبله اوښتې ده. د بشري حقونو د څار نړیواله اداره وايي وسله وال طالبان لا هم سخته جګړه کوي، تاوتریخوالی اوج ته رسېدلی دی او د ښځو د حقوقو په برخه کې د حکومت ژمنې تر ډېره نه دي عملي شوې. په مطلب کې وړاندې راځي نړیوال دې هغه ژمنې په دقیقه توګه وارزوي چې افغان حکومت په بروکسل او یا نورو کنفرانسونو کې له نړیوالو سره کړې وې او وروسته له دقیقې ارزونې دې خپلې پرېکړې وکړي.