د چين دولت رئيس شي جين پينګ په خپله د فوټبال، واليبال، لامبو وهلو په شمول له ډېرو سپورټونو سره علاقه لري او اولمپيک چي د نړیوالو لوبو مجمعه ده تل ورته ډېره پاملرنه کوي.
نوموړي د ۲۰۰۸ کال د بېجينګ د اولمپيک لوبو او د معيوبينو د اولمپيک لوبو د تيارۍ نیولو ډلې مشري په غاړه لرله او په بریا سره د لوبو د تر سره کولو لپاره يې ډېر زحمتونه وګالل. هغه د بېجينګ د اولمپيک لوبو مخکې ويلی ، چې د اولمپيک لوبو جوړول په سلو کلونو کې د چيني ملت او د ټولو چينايانو ګډه هيله او نړيوالي ټولني ته درنه ژمنه هم ده. رئيس شي جين پينګ د ۲۰۰۸ کال د جولای په ۱۵مه نېټه د اولمپيک لوبو د فوټبال سيالیو د تياري له چارو څخه د ليدنې په وخت کې پر سپورټي ميدان د فوټبال سپورټي جامې په تن کړي وې. که څه هم هغه رسمي جامې او چرمي بوټان اغوستي وه، خو د فوټبال لوبولو توان او تکنالوژۍ ښودلې وه. رئيس شي په چينګ داو ښار کې د فوټبال د ښځينه ټيم د روزنې له اډې څخه ليدنه وکړه او هغوی يې تشويق کړې، چې يووالي ټينګ کړي او په اولمپيک لوبو کې بريا تر لاسه کړي چې وطن، ملت او خپل ژوند ته وياړ او رنګ ورکړي.
د ۲۰۱۳ کال په نومبر کې د چين د اولمپيک لوبو کميټې په بېجينګ او جانګ جيا کو ښارونو کې د ۲۴مې دورې د اولمپيک ژمنيو لوبو د جوړولو غوښتنه وړاندې کړه او له هغه وروسته شي جين پينګ د دغو لوبو د امادګۍ کارونو ته په درنه سترګه کتلي او ګوري. هغه د ۲۰۱۴ کال د فبرورۍ په شپږمه نېټه د چين د سپرلني اختر په موده کې د روسيې سوچي ښار ته ولاړ او هلته يې د ۲۲مې دورې د اولمپيک ژمنيو لوبو د پرانيستني په مراسمو کې ګډون وکړ. هغه د ۲۰۱۵ کال په جنورۍ کې په بېجينګ کې څرګنده کړه، چې د چين حکومت تل د سپورټ چارو پرمختګ او په ټولنيز پرمختګ کې د اولمپيک مهم رول ته په درنه سترګه ګوري.
د اولمپيک لوبو نړيوالې کميټې د ۲۰۱۵ کال د جولای په ۳۱مه نېټه پريکړه وکړه، چې د ۲۰۲۲ کال د اولمپيک ژمنيو لوبو تر سره کولو حق بيجينګ ته ورکړي. رئيس شي په همدې ورځ د اولمپيک لوبو نړيوالې کميټې رئيس توماس باخ ته د يو پيغام په استولو سره د دغې کميټې له باور او ملاتړ څخه مننه څرګنده کړه. د همدې کال د نومبر په ۱۳مه نېټه رئيس شي د بيجينګ د اولمپيک ژمنيو لوبو د امادګۍ کارونو په هکله اړوندو ادارو ته مهم هدايت ورکړل، چې بايد اولمپیکي لوبي په بريالې، غښتلي او وتلي ډول تر سره شي.
د اولمپيک لوبو د نړيوالې کميټې رئيس توماس باخ يو ځل چيني خبري رسنۍ ته ويلي، رئيس شي ډېرې سپورټي پوهه لري او ليدل کيږي چې هغه له سپورټ سره ډېره مينه لري. هيڅ شک نه شته چې د اولمپيک لوبو د سپورټ په هکله رئيس شي يو اتل دی. د نړيوالو سپورټي چارو د پرمختګ او د اولمپيک روحيې د هڅونې په چارو کې د رئيس شي ډېرو خدمتونو په پار يې هغه ته د اولمپيک يو طلايي مډال ورکړ.
رئيس شي د ټولو خلکو د روغتيا د راتلونکې په هکله ويلي، چې روغتيا نه شته، هراړخيزې هوساينه شتون نه لري چي سپورټ نه وي. هغه د اولمپيک ژمنيو لوبو د جانګ جيا کو له سپورټي ميدانونو څخه د ليدنې په وخت کې دېته اشاره وکړه، چې که خلک غواړي خوشحاله او نيکمرغه اوسي، روغتيا ډېره مهمه ده. موږ غواړو د بېجينګ د اولمپيک ژمنې لوبې تر سره کړو چې يو مهمه هدف زموږ په هېواد کې د واورو او کنګل سپورټ د چټک پرمختګ او د سپورټ له لارې د ټولو خلکو د روغتيا ساتلو هڅول دي.
رئيس شي د روان کال د جنورۍ په ۲۵مه نېټه د اولمپيک لوبو د نړيوالې کميټې له رئيس توماس باخ سره ټليفونې خبرې وکړې. هغه وويل، چې چين به د اولمپيک لوبو له نړيوالې ټولنې او نورو هېوادونو سره يو ځای په امنه توګه د توکيو د اولمپيک لوبو او د بېجينګ د اولمپيک ژمنيو لوبو د تر سره کولو لپاره هلې ځلې وکړي، دغه راز وویل بېجينګ به په نړۍ کې يوازینی هغه ښار وي چې دواړه د اولمپيک دوبې او ژمنې لوبې به په کي تر سره شي، چین د اولمپيک نړيوالو لوبو لپاره ځانګړي خدمتونه تر سره کړي.
ولی شي جين پينګ اولمپيک لوبو ته دومره په درنه سترګه ګوري؟ د ۳۱مې دورې د اولمپيک لوبو له چيني لوبغاړو سره د ليدنې په وخت کې د ده خبرې د دغې پوښتنې ځواب کيږي. هغه وويل، د چين لوبغاړو د ريو دي جانيرو په اولمپيک لوبو کې برياليتوبونه تر لاسه کړل، چې خپل فعال انجن او د هلو ځلو روحيې ښودلی دی. د دوو سليزو هدفونو او د چيني ملت د بيا سمسورتيا او د چين خوب په ریشتیا بدلول دغې روحيې ته اړتيا لري. بايد په ټوله ټولنه کې د اولمپيک لوبو په سياليو کې زموږ د لوبغاړو د هلو ځلو روحيې تبليغاتې شي څو چې د چين کمونېست ګوند ټول غړي، قومونه او خلک په يووالي سره د دغې روحيې په مټ خپل هېواد اباد کړي.
